ଖୋର୍ଦ୍ଧା: ଲୋକଙ୍କୁ ମାସ୍କ ବାଣ୍ଟି ସଚେତନ କଲେ ବିଧାୟକ । ସାରା ଦେଶରେ ଏବେ ମହାମାରୀ କୋରୋନା ନିଜର ରୌଦ୍ର ରୂପ ଦେଖାଉଛି । ଏଭଳି ସ୍ଥିତିରେ ମାସ୍କ ପିନ୍ଧିବା ସହ ସାମାଜିକ ଦୂରତା ଜରୁରୀ ହୋଇ ପଡିଥିବା ବେଳେ ଲୋକଙ୍କୁ ସଚେତନ କରିବା ପାଇଁ ଅଣ୍ଟା ଭିଡିଛନ୍ତି ଚିଲିକା ବିଧାୟକ ପ୍ରଶାନ୍ତ ଜଗଦେବ ।
ଲୋକଙ୍କୁ ମାସ୍କ ବାଣ୍ଟି ସଚେତନ କଲେ ଚିଲିକା ବିଧାୟକ
ଚିଲିକା ବିଧାୟକଙ୍କ ନେତୃତ୍ବରେ ମା ଭଗବତୀ ବାଣପୁର ଏବଂ ବାଲୁଗାଁ ଵସ ମାଲିକ ସଂଘ ପକ୍ଷରୁ ବାଲୁଗାଁ ବଜାରରେ କୋରୋନା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ବସ ମାଲିକ ସଂଘ ପକ୍ଷରୁ ବିଧାୟକ ଜନସାଧାରଣଙ୍କୁ ମାସ୍କ, ସାନିଟାଇଜର ବଣ୍ଟନ କରିବା ସହ ଲୋକଙ୍କୁ କୋରୋନା ସଂପର୍କରେ ସଚେତନ କରିଛନ୍ତି ।
କୋରୋନାର ଦ୍ବିତୀୟ ଲହର ସାଙ୍ଘାତିକ ଭାବେ ଲୋକଙ୍କୁ ଆକ୍ରାନ୍ତ କରୁଥିବା ବେଳେ ବିଧାୟକ ଲୋକଙ୍କୁ ଘରେ ରହି ନିଜ ଜୀବନ ସହ ଅନ୍ୟମାନଙ୍କ ଜୀବନ ବଞ୍ଚାଇବା ପାଇଁ ନିବେଦନ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
