ଢେଙ୍କାନାଳ: ଜିଲ୍ଲା ଭୁବନରେ ଡାକଘର ବନ୍ଦକୁ ନେଇ ଗ୍ରାହକ ହନ୍ତସନ୍ତ । ସାରା ରାଜ୍ୟରେ ୧୪ ଦିନିଆ ଲକଡାଉନ ଆରମ୍ଭ ହୋଇଛି । ତେବେ ଏହି ଲକଡାଉନ ସମୟରେ ଅତ୍ୟାବଶ୍ୟକୀୟ ଦୋକାନ ବଜାର ଖୋଲା ରହିବା ସହିତ ଜରୁରୀକାଳିନ ସରକାରୀ ସେବା ଚାଲୁ ରଖିବା ପାଇଁ ରାଜ୍ୟ ସରକାର ଘୋଷଣା କରିଛନ୍ତି ।
ଢେଙ୍କାନାଳ ଜିଲ୍ଲା ଭୁବନରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ଭୁବନରେ ଥିବା ଉପ ଡାକଘରଟି ବନ୍ଦ ରହିଥିବା ଦେଖାଯାଇଛି । ଯାହାଫଳରେ କି କିଛି ଡାକଘରର କର୍ମଚାରୀ ବାହାରେ ଅପେକ୍ଷା କରି ବସିଥିବା ଦେଖିବାକୁ ମିଳିଛି । ଏପରିକି ଡାକସେବା ପରି ଜରୁରୀ କାର୍ଯ୍ୟରେ ଆସି ଗ୍ରାହକମାନେ ପୋଷ୍ଟମାଷ୍ଟରଙ୍କୁ ଅପେକ୍ଷା କରି ନିରାଶ ହୋଇ ଫେରୁଥିବାର ଦେଖିବାକୁ ମିଳିଛି । ଭୁବନ ଉପଡାକଘର ଅଧିକାରୀ ପିତବାସ ସାହୁଙ୍କ ଦେଖା ନଥିବାବେଳେ ଡାକଘରେ ତାଲା ଝୁଲୁଛି । ବର୍ତ୍ତମାନ ଲୋକମାନଙ୍କର ଅଭାବ ଅସୁବିଧା ଥିବାବେଳେ ଡାକଘରୁ ଟଙ୍କା ଉଠାଇ ନ ପାରି ହତାଶ ହୋଇପଡିଛନ୍ତି । ଯାହାକୁ ନେଇ ଭୁବନରେ ଜନ ଅସନ୍ତୋଷ ବଢିବାରେ ଲାଗିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
