ଟୋକିଓ: ଭାରତୀୟ ଟେନିସ ଟିମର ଟୋକିଓ ଅଲମ୍ପିକ ଯାତ୍ରା ଔପଚାରିକ ଭାବେ ଶେଷ ହୋଇଛି । ମଙ୍ଗଳବାର ସାନିଆ ମୀର୍ଜା ଓ ସୁମିତ ନାଗଲ ମିଳିତ ମାନ୍ୟତା ୧୫୩ ଯୋଗୁଁ ମିଶ୍ରିତ ଯୁଗଳ ଇଭେଣ୍ଟ ପାଇଁ ଆବଶ୍ୟକୀୟ ଯୋଗ୍ୟତା ହାସଲ କରିବାରେ ବିଫଳ ହୋଇଛନ୍ତି ।
ମଙ୍ଗଳବାର ସକାଳେ ଏନେଇ ଚୁଡାନ୍ତ ସୂଚୀ ପ୍ରକାଶ ପାଇଥିଲା ଓ ୫୦ରୁ ୬୦ ମଧ୍ୟରେ କଟ୍ପଏଣ୍ଟ ରହିବାନେଇ ଆଶା କରାଯାଉଥିଲା । ଫଳରେ ଅଲମ୍ପିକର ଏହି ସହଜ ଟେନିସ ଇଭେଣ୍ଟର ଅଂଶଗ୍ରହଣକାରୀ ଟିମ ସୂଚୀରେ ଭାରତ ସ୍ଥାନ ପାଇନଥିଲା ।
କେବଳ ୧୬ଟି ଟିମ ମିଶ୍ରିତ ଯୁଗଳ ଇଭେଣ୍ଟ ଖେଳିବେ ଓ ମାତ୍ର ଦୁଇଟି ମ୍ୟାଚ୍ ବିଜୟ ପରେ ପଦକ ରାଉଣ୍ଡକୁ ଉନ୍ନୀତ ହୋଇପାରବ ଗୋଟିଏ ଟିମ ।
ନାଗଲଙ୍କୁ ଡାନିଲ ମେଡଭେଡେଭ ପୁରୁଷ ଏକକ ପ୍ରତିଯୋଗିତାରେ ପରାସ୍ତ କରିଥିଲେ । ଅନ୍ୟପଟେ ମହିଳା ଯୁଗଳ ଯୋଡି ସାନିଆ ମୀର୍ଜା ଓ ଅଙ୍କିତା ରାଇନା ଏକ ବିଜୟ ସ୍ଥିତିରୁ ଦୁର୍ଭାଗ୍ୟପୂର୍ଣ୍ଣ ଭାବେ ପରାସ୍ତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
