ହାଇଦ୍ରାବାଦ: ବିଶ୍ବ କୁସ୍ତି ଚମ୍ପିଆନସିପରେ ଭାରତୀୟ କୁସ୍ତିଯୋଦ୍ଧାଙ୍କ ସଫଳ ପ୍ରଦର୍ଶନ ଜାରି ରହିଛି । ଅନ୍ୟତମ ଯୁବ କୁସ୍ତିଯୋଦ୍ଧା ରାହୁଲ ଆୱାରେ ବ୍ରୋଞ୍ଜ ପଦକ ଜିତିଛନ୍ତି । 61 କିଲୋଗ୍ରାମ ବର୍ଗରେ ଲି ଗ୍ରାଫଙ୍କୁ 11-4 ପଏଣ୍ଟରେ ହରାଇଛନ୍ତି ରାହୁଲ ।
ଏହି ପଦକ ସହ ଭାରତର ପଦକ ସଂଖ୍ୟା 5ରେ ପହଞ୍ଚିଛି । ବିଶ୍ବ କୁସ୍ତି ଚମ୍ପିଆସିପରେ ଚଳିତ ସଂସ୍କରଣରେ ଭାରତର ଏହା ଶ୍ରେଷ୍ଠ ପ୍ରଦର୍ଶନ । ପୂର୍ବରୁ 2013ରେ ଭାରତ 3ଟି ପଦକ ଜିତିଥିଲା ।
ମହାରାଷ୍ଟ୍ରର କୁସ୍ତିଯୋଦ୍ଧା ରାହୁଲ ଆୱାରେ 2018 ରାଜ୍ୟଗୋଷ୍ଠୀ କ୍ରୀଡାରେ ସ୍ବର୍ଣ୍ଣ ପଦକ ଜିତିଥିଲେ । ସେହିପରି 2009, 2011 ଏସିଆନ ଚମ୍ପିଆନସିପରେ 2ଟି ବ୍ରୋଞ୍ଜ ପଦକ ଜିତିଥିଲେ ।
