ଚଣ୍ଡିଗଡ଼: କୋରୋନା ମହାମାରୀ ହେତୁ ଚଳିତଥରର ଜାତୀୟ କ୍ରୀଡା ଦିବସରେ ଆୟୋଜିତ ଜାତୀୟ ପୁରସ୍କାର ବିତରଣ ଉତ୍ସବ ଭର୍ଚୁଆଲ ଭାବେ ଆୟୋଜିତ ହୋଇଥିଲା । ତେବେ ମହିଳା ହକି ଅଧିନାୟକ ରାନୀ ରାମପାଲ ସମସ୍ତ ସ୍ୱାସ୍ଥ୍ୟ ପ୍ରୋଟୋକଲକୁ କଡାକଡି ଭାବରେ ପାଳନ କରିଥିଲେ ଏବଂ ସେ ପିପିଆଇ କିଟ୍ ପିନ୍ଧି ପୁରସ୍କାର କାର୍ଯ୍ୟକ୍ରମରେ ପହଞ୍ଚିଥିଲେ ।
ରାଜୀବ ଗାନ୍ଧୀ ଖେଲ ରତ୍ନ ପୁରସ୍କାର ଏଥର ପାଞ୍ଚ ଖେଳାଳିଙ୍କୁ ପ୍ରଦାନ କରାଯାଇଛି । ଯେଉଁଥିରେ ମହିଳା ହକି ଦଳର ଅଧିନାୟକ ରାଣୀ ରାମପାଲ ମଧ୍ୟ ସାମିଲ ହୋଇଛନ୍ତି । ତାଙ୍କ ବ୍ୟତୀତ ଏହି ସର୍ବୋଚ୍ଚ କ୍ରୀଡା ସମ୍ମାନରେ ଷ୍ଟାର କ୍ରିକେଟର ରୋହିତ ଶର୍ମା, ରେସଲର ଭିନେଶ ଫୋଗାଟ, ପାରାଲିମ୍ପିକ ସ୍ୱର୍ଣ୍ଣ ପଦକ ବିଜେତା ମାରିଆପ୍ପାନ ଥାଙ୍ଗାଭେଲୁ ଏବଂ ଟେବୁଲ ଟେନିସ ଖେଳାଳି ମାନିକା ବାତ୍ରାଙ୍କ ନାମ ସାମିଲ ରହିଛି ।
2020 ରାଣୀ ରାମପାଲଙ୍କ ପାଇଁ ସୁବର୍ଣ୍ଣ ହୋଇଛି | ଜାନୁଆରୀ 30, 2020 ରେ ରାନୀ ବିଶ୍ୱ ଗେମ୍ସ ଆଥଲେଟ୍ ଅଫ୍ ଦି ଇୟର ଜିତିଥିବାବେଳେ ସେହି ବର୍ଷ ରାଣୀ ଦେଶର ଚତୁର୍ଥ ସର୍ବୋଚ୍ଚ ନାଗରିକ ପୁରସ୍କାର ପଦ୍ମଶ୍ରୀ ପାଇଁ ମନୋନୀତ ହୋଇଥିଲେ । ବର୍ତ୍ତମାନ ରାଣୀ ରାଜୀବ ଗାନ୍ଧୀ ଖେଲ ରତ୍ନ ପୁରସ୍କାର ପାଇଛନ୍ତି ।
