ଭୁବନେଶ୍ବର: ଆସନ୍ତାକାଲି ନୂଆବର୍ଷ । ଏନେଇ ସରକାର ଜାରି କରିଛନ୍ତି କଟକଣା । ଆଜି ଠାରୁ ସହରାଞ୍ଚଳରେ ଲାଗୁ ହେବ ନାଇଟ କର୍ଫ୍ୟୁ (Night Curfew)। ରାତି ୧୦ଟାରୁ ସକାଳ ୫ଟା ଯାଏଁ ବଳବତର ରହିବ ନାଇଟ କର୍ଫ୍ୟୁ । ଏହି ସମୟରେ ଜରୁରୀ ସେବା ଗୁଡିକୁ ଅନୁମତି ମିଳିଛି ।
ନଜର ପକାନ୍ତୁ କର୍ଫ୍ୟୁ ସମୟରେ କେଉଁ ସେବା କଟକଣାମୁକ୍ତ
ପୋଲିସ, ପୌର ପ୍ରଶାସନ, ଡାକ୍ତର, ହସ୍ପିଟାଲ, ବିଦ୍ୟୁତ୍, ଅଗ୍ନିଶମ, ଟେଲିକମ୍, ଜଳ ଯୋଗାଣ, ରେଳ କର୍ମଚାରୀ କର୍ମଚାରୀ କମିଶନରେଟ ପୋଲିସ ଦ୍ବାରା ଚିହ୍ନିତ ଗଣମାଧ୍ୟମ କର୍ମଚାରୀ କଟକଣାରୁ ବାଦ ପଡିଛନ୍ତି । ସେହିପରି କୋଭିଡ ଟେଷ୍ଟିଂ ଓ ଟିକାକରଣ କେନ୍ଦ୍ର, ଔଷଧ ଦୋକାନ କର୍ମଚାରୀ ମଧ୍ୟ କଟକଣା ମୁକ୍ତ। ସବୁ ଶିଳ୍ପାନୁଷ୍ଠାନ, ନିର୍ମାଣ କାର୍ଯ୍ୟ, ରାଜପଥ ପାର୍ଶ୍ବ ହୋଟେଲ , ପେଟ୍ରୋଲ ପମ୍ପ, ରନ୍ଧନ ଗ୍ୟାସ ଯୋଗାଣ, ହୋମ୍ ଡେଲିଭରି କଟକଣା ମୁକ୍ତ। ବିମାନ, ରେଳ ଏବଂ ସଡ଼କ ଦ୍ୱାରା ଯାତ୍ରୀମାନଙ୍କ ଚଳାଚଳକୁ ସୁଗମ କରିବା ପାଇଁ ଜନସାଧାରଣ ପରିବହନ, ବେସରକାରୀ ଯାନ ଏବଂ ଟ୍ୟାକ୍ସି ଚାଲିପାରିବ। IT କମ୍ପାନୀଗୁଡିକର କର୍ମଚାରୀମାନେ ସେମାନଙ୍କର ID କାର୍ଡ ଦେଖାଇ ଯାଆସ କରିପାରିବେ।
ଭୁବନେଶ୍ବରରୁ ବିକାଶ କୁମାର ଦାସ,ଇଟିଭି ଭାରତ
