ହାଇଦ୍ରାବାଦ: କାନ୍ସ ଫିଲ୍ମ ଫେଷ୍ଟିଭାଲ ୨୦୨୪ରେ ଭାରତର ଅନାସୁୟା ସେନଗୁପ୍ତା ଇତିହାସ ରଚିଛନ୍ତି । କୋଲକାତା ବାସିନ୍ଦା ଅନସୁୟା ସେନଗୁପ୍ତା ଚଳିତ କାନ୍ସ ଫିଲ୍ମ ଫେଷ୍ଟିଭାଲରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଛନ୍ତି । ଫିଲ୍ମ 'ସେମଲେସ' ପାଇଁ ସେ ଏହି ପୁରସ୍କାର ପାଇଛନ୍ତି । ତେବେ ଏହି ଆୱାର୍ଡ ଜିତି ପ୍ରଥମ ଭାରତୀୟ ମହିଳା ଭାବେ ରେକର୍ଡ ସୃଷ୍ଟି କରିବା ସହ ଭାରତ ପାଇଁ ଗୌରବ ଆଣିଛନ୍ତି ଅଭିନେତ୍ରୀ । ଏହି ସମୟରେ ଭାବବିହ୍ୱଳ ହୋଇଛନ୍ତି ଅନସୁୟା ।
କାନ୍ସରେ ଇତଚିହାସ ରଚିଲେ ଅନସୁୟା
ସୂଚନା ଅନୁସାରେ, କାନ୍ସ ଫିଲ୍ମ ଫେଷ୍ଟିଭାଲର ଅନ୍ ସଟନ ରିଗାର୍ଡ ବିଭାଗରେ ଅନସୁୟା ସେନଗୁପ୍ତା ଶ୍ରେଷ୍ଠ ଅଭିନେତ୍ରୀ ଭାବରେ ମନୋନୀତ ହୋଇଥିଲେ । ତେବେ ଶ୍ରେଷ୍ଠ ଅଭିନେତ୍ରୀ ଭାବେ ପୁରସ୍କାର ହାତେଇଥିବା ବେଳେ ଏହି ସମୟରେ ସେ ଭାବବିହ୍ୱଳ ହୋଇଛନ୍ତି । ଅନାସୁୟା କହିଛନ୍ତି, ''ସମସ୍ତଙ୍କ ସମାନତା ପାଇଁ ଲଢିବା କରିବାକୁ ଆପଣଙ୍କୁ ସମଲିଙ୍ଗୀ ହେବାକୁ ପଡ଼ିବ ନାହିଁ । ଆମକୁ କେବଳ ଭଲ ମଣିଷ ହେବା ଆବଶ୍ୟକ।'' ଏହା ସହିତ ସେ ଏହି ବିଜୟ ପାଇଁ ଇନଷ୍ଟାଗ୍ରାମରେ ତାଙ୍କ ପ୍ରଶଂସକମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ।
ଅନସୁୟା ସେନଗୁପ୍ତ କିଏ?
ସେ ମୁମ୍ବାଇରେ ଏକ ପ୍ରଡକ୍ସନ୍ ଡିଜାଇନର୍ ଭାବରେ ନିଜ ପାଇଁ ଏକ ଖ୍ୟାତି ଅର୍ଜନ କରିଛନ୍ତି । ଅନସୁୟା ସେନଗୁପ୍ତା କୋଲକାତାର ବାସିନ୍ଦା ହୋଇଥିବା ବେଳେ ବର୍ତ୍ତମାନ ସେ ଗୋଆରେ ରୁହନ୍ତି । ଅନସୁୟା ନେଟଫ୍ଲିକ୍ସ ଶୋ’ ମସାବା ମସାବା’ର ସେଟ୍ ମଧ୍ୟ ଡିଜାଇନ୍ କରିଥିଲେ । ସେ ପ୍ରଡକ୍ସନ୍ ଡିଜାଇନର୍ ଏବଂ ବର୍ତ୍ତମାନ ଜଣେ ଅଭିନେତ୍ରୀ ଭାବରେ ନିଜର ପରିଚୟ ସୃଷ୍ଟି କରିଛନ୍ତି ।
'ସେମଲେସ' ଫିଲ୍ମ ବିଷୟରେ କହିବାକୁ ଗଲେ, ଏହା ଏକ ଭାରତୀୟ କଳାକାରଙ୍କ ଏକ ଚଳଚ୍ଚିତ୍ର, ଯାହା କାନ୍ସକୁ ଯାଇଥିଲା । ଏଥର କାନ୍ସରେ ୧୦ ରୁ ଅଧିକ ଭାରତୀୟ କଳାକାରଙ୍କ ଚଳଚ୍ଚିତ୍ର କାନ୍ସ ୨୦୨୪ରେ ନିଜର ଶକ୍ତି ପ୍ରଦର୍ଶନ କରିଛନ୍ତି । ଏହି ଚଳଚ୍ଚିତ୍ରଟି ଦୁଇଜଣ ଭାରତୀୟ ମହିଳାଙ୍କ କାହାଣୀ ଅଟେ । ଯାହାକୁ ବୁଲଗେରିଆ ଚଳଚ୍ଚିତ୍ର ନିର୍ମାତା କନଷ୍ଟାଣ୍ଟିନ ବୋଜାନୋଭ ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମରେ ତାଙ୍କ ଅଭିନୟକୁ ଖୁବ ପ୍ରଶଂସା କରାଯାଇଥିବା ବେଳେ ବର୍ତ୍ତମାନ କାନ୍ସରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ହାସଲ କରିଛନ୍ତି ।
ଏହା ମଧ୍ୟ ପଢନ୍ତୁ: କାନ୍ସରେ 'ଅଲ୍ ଉଇ ଇମାଜିନ ଏଜ ଲାଇଟ' ଫିଲ୍ମକୁ ମିଲିଲା ଷ୍ଟାଣ୍ଡିଂ ଓଭେସନ, ଖୁସିରେ ନାଚିଲେ ପୁରା ଟିମ୍
ବ୍ୟୁରୋ ରିପୋର୍ଟ, ଇଟିଭି ଭାରତ
