ହାଇଦ୍ରାବାଦ: ଗ୍ରୀଷ୍ମ ଋତୁରେ, ଘରେ ପିମ୍ପୁଡ଼ିର ଆତଙ୍କ ଦେଖାଯିବା ଆରମ୍ଭ କରେ, ଯାହା ବର୍ଷା ଆସିବା ପରେ ବଢିଥାଏ । ଘରେ ପିମ୍ପୁଡି ଏକ ବଡ଼ ସମସ୍ୟା ଅଟେ । ଘରେ ଥିବା ପ୍ରତ୍ୟେକ ଖାଦ୍ୟ ପଦାର୍ଥରେ ପିମ୍ପୁଡି ଲାଗିଯାଏ । ତାହା ରୁଟି ହେଉ କିମ୍ବା ଚିନି, କେବଳ ଏତିକି ନୁହେଁ, ପୋଷାକ ଏବଂ ଶଯ୍ୟାରେ ପିମ୍ପୁଡ଼ିର ଆତଙ୍କ ମଧ୍ୟ ଦେଖାଯାଏ । ଲାଲ୍ ପିମ୍ପୁଡ଼ି କାମୁଡ଼ିବା ଦ୍ୱାରା କୁଣ୍ଡେଇ ହେବା ଏବଂ ଘା’ ମଧ୍ୟ ହୋଇଯାଏ । ଅନେକ ଲୋକ ପିମ୍ପୁଡି ଆତଙ୍କରେ ଅତିସୟ ହୋଇ ଏହା ମାରିବାକୁ ଅନେକ ଉପାୟ ଆପଣାଇଥାନ୍ତି । କିଛି କେମିକାଲ ସ୍ପ୍ରେ ବ୍ୟବହାର କରନ୍ତି । କିନ୍ତୁ ଆପଣ ଜାଣନ୍ତ କି? ଏହି କେମିକାଲ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ । ଏପରି ପରିସ୍ଥିତିରେ, ଯଦି ଆପଣ ମଧ୍ୟ ପିମ୍ପୁଡ଼ି ସମସ୍ୟା ନେଇ ଚିନ୍ତିତ, ତେବେ ପିମ୍ପୁଡ଼ିର ଆତଙ୍କରୁ ମୁକ୍ତି ପାଇବାକୁ ଏହି ଘରୋଇ ଉପଚାର ଆପଣାନ୍ତୁ । ସେଗୁଡିକ କଣ, ଜାଣନ୍ତୁ.....
- ନିମ୍ୱ ତେଲ: ବିଶେଷଜ୍ଞମାନେ କହିଛନ୍ତି ଯେ ଘରୁ ପିମ୍ପୁଡ଼ିକୁ ଘଉଡାଇବା ପାଇଁ ନିମ୍ୱ ତେଲ ବ୍ୟବହାର କରାଯାଇପାରିବ । ନିମ୍ୱ ମଞ୍ଜିରୁ ବାହାର କରାଯାଇଥିବା ଏହି ତେଲକୁ ଏକ ପ୍ରାକୃତିକ କୀଟ ପ୍ରତିରୋଧକ ବୋଲି ମଧ୍ୟ କୁହାଯାଏ । ଏହା କେବଳ ଘରେ ନୁହେଁ ବରଂ ଉଦ୍ଭିଦ ଉପରେ ସ୍ପ୍ରେ କରିବା ପାଇଁ ମଧ୍ୟ ବ୍ୟବହାର କରାଯାଇପାରିବ । ଏଥିପାଇଁ ଏହି ତେଲକୁ ଗୋଟିଏ ଟିପି ତେଲ ସହ ୧୦ ଟିପି ଅନୁପାତରେ ମିଶାନ୍ତୁ ଏବଂ ପିମ୍ପୁଡ଼ି ବୁଲୁଥିବା ସ୍ଥାନରେ ଏହାକୁ ସ୍ପ୍ରେ କରନ୍ତୁ । ଏହାର ଗନ୍ଧରେ ପିମ୍ପୁଡ଼ି ହ୍ରାସ ପାଇବ ।
- ପୁଦିନା: ବିଶେଷଜ୍ଞମାନେ କହିଛନ୍ତି ଯେ ପୁଦିନା ପାଣି ଛିଞ୍ଚିବା ଦ୍ୱାରା ପିମ୍ପୁଡ଼ି ଦୂରେଇ ରହିବ । ଏହା ମଧ୍ୟ କୁହାଯାଏ ଯେ ଘରେ ପୁଦିନା ଗଛ ଲଗାଇବା ଦ୍ୱାରା ପିମ୍ପୁଡ଼ି, ମଶା ଏବଂ କୀଟଙ୍କ ଘରକୁ ଆସିନଥାଏ ।
- ଲୁଣ: ବିଶେଷଜ୍ଞମାନେ କହିଛନ୍ତି ଯେ ଲୁଣ ପିମ୍ପୁଡ଼ି ସଂକ୍ରମଣକୁ ମଧ୍ୟ ହ୍ରାସ କରିପାରେ । କୁହାଯାଏ ଯେ ପିମ୍ପୁଡ଼ି ଥିବା ସ୍ଥାନରେ ଲୁଣ ଛିଞ୍ଚିବା ଲାଭଦାୟକ ଅଟେ ।
- ଡାଲଚିନି: ବିଶେଷଜ୍ଞମାନେ କହିଛନ୍ତି ଯେ ଘରୁ ପିମ୍ପୁଡ଼ିକୁ ଘଉଡାଇବା ପାଇଁ ଡାଲଚିନି ମଧ୍ୟ ଭଲ କାମ କରେ । ଯଦି ଡାଲଚିନି ଏବଂ ଲବଙ୍ଗ ମିଶ୍ରିତ କରି ରଖିଲେ ପିମ୍ପୁଡ଼ି ଆସିବାର ସମ୍ଭାବନା କମିଯାଏ ।
- ଲେମ୍ବୁ ରସ: କୁହାଯାଏ ଯେ ଲେମ୍ବୁ ରସ ଛିଞ୍ଚିବା ମଧ୍ୟ ଲାଭଦାୟକ ଅଟେ । ଏହା ଦ୍ୱାରା ପିମ୍ପୁଡି ଆତଙ୍କ କମିଯାଏ ।
- ରସୁଣ: ବିଶେଷଜ୍ଞମାନେ କହିଛନ୍ତି ଯେ ପିମ୍ପୁଡି ହଟାଇବା ପାଇଁ ରସୁଣ ମଧ୍ୟ ଲାଭଦାୟକ ଅଟେ । ଏହାକୁ ପିମ୍ପୁଡି ହେଉଥିବା ସ୍ଥାନରେ ରଖିଲେ ପିମ୍ପୁଡ଼ି ରସୁଣର ଗନ୍ଧରେ ଦୂରେଇ ରହିଥାଏ ।
ଏହା ମଧ୍ୟ ପଢନ୍ତୁ: ଭୁଲରେ ବି ଘରେ ଲଗାନ୍ତୁ ନାହିଁ ଏହି ଗଛ, ନଚେତ ବଢିବ ସମସ୍ୟା !
ବ୍ୟୁରୋ ରିପୋର୍ଟ, ଇଟିଭି ଭାରତ
