ଭୁବନେଶ୍ବର: ବାଜିଲା ପୌର ନିର୍ବାଚନ ବିଗୁଲ । ଆସନ୍ତା ମାସ 24 ତାରିଖରେ ପୌର ନିର୍ବାଚନ । ଏ ନେଇ ସଜବାଜ ଆରମ୍ଭ କରି ଦେଇଛନ୍ତି ରାଜ୍ୟ ନିର୍ବାଚନ ଅୟୋଗ ଓ ବିଭିନ୍ନ ରାଜନୈତିକ ଦଳ ।
ବିଜେଡି କହିଛି, ଭୁବନେଶ୍ୱର ମହାନଗର ନିଗମରେ କ୍ଲିନ ସୁଇପ କରିବ ବିଜେଡି । ଅନ୍ୟ ପୌରାଞ୍ଚଳରେ ଭଲ ପ୍ରଦର୍ଶନ କରିବ ଦଳ। ବିଜେଡି ବିଧାୟକ ଅନନ୍ତ ନାରାୟଣ ଜେନା କହିଛନ୍ତି ଯେ, 2003 ମସିହାରେ ଭୁବନେଶ୍ୱର ମହାନଗର ନିଗମ ଭାବେ ଘୋଷଣା ହେଲା ।
ସେବେଠାରୁ ଆଜି ଯାଏଁ ବିଜେଡିର ଦବଦବା ରହି ଆସିଛି । ବିଜେଡି 3 ଥର ମେୟର ପଦ ଅକ୍ତିଆର କରିଛି । ତାହାର ଦବଦବା ବିଜେଡି ଦେଖେଇ ଆସିଛି ।
ଭୁବନେଶ୍ୱର ସାରା ଭାରତରେ ଏକ ନମ୍ବର ସହର ଭାବେ ପରିଗଣିତ ହୋଇସାରିଛି । ତାହା ଛଡ଼ା ଅନେକ ସମସ୍ୟା ମଧ୍ୟ ରହିଛି । ଉତ୍ତରଦାୟୀ ଭାବେ ଆମେ ଲୋକଙ୍କ ସମସ୍ତ କାର୍ଯ୍ୟ ଓ ସମସ୍ୟାରେ ଆମେ ସଂଶ୍ଲିଷ୍ଟ ହୋଇଛୁ । ସବୁ କାର୍ଯ୍ୟ ତ୍ୱରାନ୍ୱିତ ହୋଇଛି ।
ଯେଉଁ ଲୋକମାନେ ଲୋକଙ୍କ ପାଖରେ ଥାନ୍ତି ସେମାନଙ୍କୁ ସେମାନେ ନିର୍ବାଚିତ କରନ୍ତି । ଯେଉଁମାନେ ଲୋକଙ୍କ ଦୁଃଖ ସୁଖର ସାଥୀ, ଦୈନିକ ୱାର୍ଡକୁ ଯାଉଥିବେ । ସେମାନଙ୍କୁ ଲୋକ ନିର୍ବାଚିତ କରନ୍ତି ।
ବିଜୁ ଜନତା ଦଳର ଯେଉଁ ମାନେ ଅଛନ୍ତି ସେମାନେ ପ୍ରଥମ ଦିନରୁ କାର୍ଯ୍ୟ କରୁଛନ୍ତି । ଆଜି(ଶୁକ୍ରବାର) ତାରିଖ ଘୋଷଣା ହେଲା । ବିଜେଡି ଆତଙ୍କିତ କିମ୍ବା ଭୟବିତ ନୁହଁ । କାହିଁକିନା ଆମେ ଲୋକଙ୍କ ସହିତ ସବୁବେଳେ ରହିଛୁ । ଯେଉଁ ଲୋକ ସାଧାରଣ ଲୋକ ସହିତ ମିଶି ପାରିବ । ସେ ଅଞ୍ଚଳର ଉନ୍ନତି କରିପାରିବ । ସେମାନଙ୍କର ଭଲ ଭାବମୃତ୍ତି ଥିବ ତାଙ୍କୁ ଦଳ ପ୍ରାର୍ଥୀ ଭାବେ ଚୟନ କରିବ ।
ଏହାବି ପଢନ୍ତୁ : Municipal Election: ବାଜିଲା ବିଗୁଲ୍, ମାର୍ଚ୍ଚ ୨୪ରେ ପୌର ନିର୍ବାଚନ
ଏହା ହେଉଛି ବିଜେଡିର ପ୍ରାର୍ଥୀ ଚୟନର ମାପକାଠି । ସମାଜ ସେବା କରିବା ଲାଗି ଆଗ୍ରହୀ ଥିବା ଲୋକଙ୍କୁ ଚୟନ କରାଯିବ । ବିଜେଡି ଭୁବନେଶ୍ୱର ମହାନଗର ନିଗମରେ କ୍ଲିନ ସୁଇପ କରିବ ।
ଓଡ଼ିଶାରେ ପ୍ରାୟ ଦଖଲ କରିବ ବିଜେଡି । ଯିଏ ଜନସାଧାରଣଙ୍କ ଲାଗି କାର୍ଯ୍ୟ କରିପାରିବ ଓ 67 କର୍ପୋରେଟରଙ୍କୁ ନେଇ କାର୍ଯ୍ୟ କରିପାରିବ ତାଙ୍କୁ ଦଳ ଭୁବନେଶ୍ୱରରେ ମେୟର ପ୍ରାର୍ଥୀ କରିବ । ଦଳର ମୁଖିଆ ଯାହାଙ୍କୁ ଚୟନ କରିବେ ତାଙ୍କୁ ନେଇ ଆଗକୁ ବଢିବୁ ବୋଲି କହିଛନ୍ତି ବିଜେଡି ବିଧାୟକ ଅନନ୍ତ ନାରାୟଣ ଜେନା ।
ଭୁବନେଶ୍ବରରରୁ ଭବାନୀ ଶଙ୍କର ଦାସ, ଇଟିଭି ଭାରତ
