ନୂଆଦିଲ୍ଲୀ: ଅକ୍ଟୋବର ୧୭ ତାରିଖରେ କଂଗ୍ରେସ ଅଧ୍ୟକ୍ଷ ପଦ ପାଇଁ ମତଦାନ ହେବ(Congress President Election) । ଏହି ପଦ ପାଇଁ ସେପ୍ଟେମ୍ବର ୩୦ ତାରିଖରେ ନାମାଙ୍କନ ଭରିବେ ବରିଷ୍ଠ କଂଗ୍ରେସ ନେତା ତଥା ସାସଂଦ ଶଶି ଥରୁର । ଏଥର ଗାନ୍ଧି ପରିବାରରୁ କେହି ନାମାଙ୍କନ ଭରୁନଥିବାରୁ ଦୁଇ ଦଶକ ପରେ ପ୍ରଥମ ଥର ପାଇଁ ଜଣ ଅଣଗାନ୍ଧିଙ୍କ ହାତରେ କଂଗ୍ରେସର ମଙ୍ଗ ରହିବ ।
1998ରେ କଂଗ୍ରେସ ଅଧ୍ୟକ୍ଷ ପଦ ନିର୍ବାଚନରେ ଜିତେନ୍ଦ୍ର ପ୍ରସାଦଙ୍କୁ ପରାଜିତ କରିଥିଲେ ସୋନିଆ ଗାନ୍ଧି । ଏହାପୂର୍ବରୁ ୧୯୯୬ରେ ଏହି ନିର୍ବାଚନରେ ସୀତାରାମ କେଶରୀ, ଶରଦ ପାୱାରଙ୍କୁ ହରାଇ କଂଗ୍ରେସ ଅଧ୍ୟକ୍ଷ ହୋଇଥିଲେ । କଂଗ୍ରେସର ନିର୍ବାଚନ ଅଧିକାରୀ ବର୍ତ୍ତମାନ ପ୍ରାର୍ଥୀପତ୍ର ଗ୍ରହଣ କରିବାରୁ କଂଗ୍ରେସର କାର୍ଯ୍ୟାଳୟରେ ଉପସ୍ଥିତ ରହିବେ ।
ଏହା ବି ପଢ଼ନ୍ତୁ କଂଗ୍ରେସ ଅଧ୍ୟକ୍ଷ ପଦକୁ ନେଇ ଚର୍ଚ୍ଚା, ଗାନ୍ଧୀ ନା ଅଣଗାନ୍ଧୀ କିଏ ହେବେ ଦଳର ମଙ୍ଗୁଆଳ ?
ସୂତ୍ର ମୁତାବକ ସାଂସଦ ଶଶି ଥରୁର୍ ନାମାନଙ୍କ ଭରିବା ପାଇଁ ବିଭିନ୍ନ ରାଜ୍ୟର ପ୍ରତିନିଧି ସହ ସମ୍ପର୍କରେ ରହିଛନ୍ତି(Sashi Tharoor on Congress President Election ) । ସେ ନିର୍ବାଚନ ଅଧିକାରୀଙ୍କଠାରୁ ୫ଟି ସେଟ୍ର ପ୍ରାର୍ଥୀପତ୍ର ନେଇଛନ୍ତି । ପ୍ରାର୍ଥୀତ୍ବ ପାଇଁ ତାଙ୍କୁ ପ୍ରସ୍ତାବକ ଭାବରେ ୫୦ ପ୍ରତିନିଧି ଆବଶ୍ୟକ । ଅଧ୍ୟକ୍ଷ ପଦ ନିର୍ବାଚନ ପାଇଁ ସେପ୍ଟେମ୍ବର ୨୨ ତାରିଖରୁ ବିଜ୍ଞପ୍ତି ଜାରି ହୋଇଥିଲା । ଅଧ୍ୟକ୍ଷ ପଦ ନିର୍ବାଚନ ଲଢ଼ିବାକୁ ଚାହୁଁଥିବା ପ୍ରାର୍ଥୀ ସେପ୍ଟେମ୍ବର ୨୪ରୁ ୩୦ ତାରିଖ ମଧ୍ୟରେ ନାମାଙ୍କନ ଦାଖଲ କରି ପାରିବେ ।
କଂଗ୍ରେସ ଅଧ୍ୟକ୍ଷ ପଦ ପାଇଁ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଓ ଶଶି ଥରୁର୍ଙ୍କ ମଧ୍ୟରେ ପ୍ରତିଦ୍ବନ୍ଦିତା ହେବା ନେଇ ଚର୍ଚ୍ଚା ହେଉଛି । ଅକ୍ଟୋବର ୮ ତାରିଖରେ ନାମାଙ୍କନ ପତ୍ର ଯାଞ୍ଚ ହେବ ଓ ଚୂଡ଼ାନ୍ତ ପ୍ରାର୍ଥୀପତ୍ର ତାଲିକା ପ୍ରକାଶ ପାଇବ । କଂଗ୍ରେସ ଅଧ୍ୟକ୍ଷ ପଦ ପାଇଁ ୯ ହଜାରରୁ ଅଧିକ ନିର୍ବାଚକ ମଣ୍ଡଳ ସଦସ୍ୟ ମତଦାନ କରିବେ ।
କଂଗ୍ରେସ ଅଧ୍ୟକ୍ଷ ପଦ ଏବେ କିଏ ସମ୍ଭାଳିବ ତାହାକୁ ନେଇ ଚର୍ଚ୍ଚା ଜୋର୍ ଧରିଛି । ଏହାକୁ ନେଇ ଏବେ କଂଗ୍ରେସର କେତେକ ତୁଙ୍ଗ ନେତାଙ୍କ ନାମ ଆଗକୁ ଆସୁଛି (speculation for congress president election) । ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଗାନ୍ଧି ପରିବାରର ନିକଟତର ଥିବାରୁ ଅଧ୍ୟକ୍ଷ ରେସ୍ରେ ତାଙ୍କ ନାମ ସର୍ବାଗ୍ରେ ରହିଛି । ସେପଟେ ଶଶି ଥରୁରଙ୍କ ନାମ ମଧ୍ୟ ତାଲିକାରେ ସାମିଲ ରହିଛି ।
