ପଞ୍ଜାବରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭାଙ୍ଗିଲେ ଦୁର୍ବୃତ୍ତ

ଚଣ୍ଡିଗଡ: ପଞ୍ଜାବର ଭଟିଣ୍ଡା ଜିଲ୍ଲାର ତାଲୱାଣ୍ଡି ସାବୋ ସବ-ଡିଭିଜନର ରାମମାଣ୍ଡିରେ ଥିବା ଏକ ସର୍ବସାଧାରଣ ପାର୍କରେ ଜାତିର ପିତା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିକୁ ଭାଙ୍ଗି ଦେଇଛନ୍ତି ଦୁର୍ବୃତ୍ତ । ଏପରି ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଅଞ୍ଚଳରେ ଉତ୍ତଜେନା ପ୍ରକାଶ ପାଇଛି ।

ଏପରି କରିଥିବା ଦୁର୍ବୁତ୍ତଙ୍କୁ ଚିହ୍ନଟ କରିବା ସହ ତୁରନ୍ତ ଗିରଫ କରିବା ପାଇଁ ସ୍ଥାନୀୟ ବାସିନ୍ଦା ପ୍ରଶାସନ ନିକଟରେ ଦାବି କରିଛନ୍ତି । ଘଟଣା ନେଇ ସ୍ଥାନୀୟ ରାମମାଣ୍ଡି ପୋଲିସ ତଦନ୍ତ ଜାରି ରଖିଛି । ଏପର୍ଯ୍ୟନ୍ତ କେହି ଅଭିଯୁକ୍ତ ଗିରଫ ହୋଇନାହାନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ