ଡେରାଡୁନ: ଦେଶର ଅନେକ ସ୍ଥାନରେ ଏବେ ତାପମାତ୍ରା ବୃଦ୍ଧି ପାଇଥିବା ବେଳେ ଉତ୍ତରାଖଣ୍ଡର ବଦ୍ରିନାଥ ମନ୍ଦିର ଏବଂ ଏହାର ଆଖପାଖ ଅଞ୍ଚଳ ଧଳା ବରଫ ଚାଦରରେ ଢାଙ୍କି ହୋଇଛି । ତୁଷାରପାତର ଏହି ସୁନ୍ଦର ଦୃଶ୍ୟ କ୍ୟାମେରାରେ କଏଦ ହୋଇଛି । ପୂର୍ବରୁ ବଦ୍ରିନାଥ ଧାମରେ ତୁଷାରପାତ ହେବା ପରେ ଆଜି ସୂର୍ଯ୍ୟକିରଣର ଝାସରେ ମନ୍ଦିରର କିଛି ମନ ମୁଗ୍ଧକର ଫଟୋ ସାମ୍ନାକୁ ଆସିଛି । ଯେଉଁଥିରେ ଧାମର ଚତୁଃପାର୍ଶ୍ବରେ ବରଫ ଆଛାଦିତ ହୋଇଛି , ଲାଗୁଛି ଯେମିତି ପ୍ରକୃତି ଧାମକୁ ଧଳା ଚାଦରରେ ଘୋଡାଇ ରଖିଛି ।
ଆସ୍ଥା ପଥ ଠାରୁ ଆରମ୍ଭ କରି ମନ୍ଦିର ପରିସର ପର୍ଯ୍ୟନ୍ତ ସବୁଠି ବରଫ ଓ ବରଫ ଦୃଶ୍ୟମାନ ହୋଉଛି । ଧାମରେ 2ରୁ3 ଫୁଟ ପର୍ଯ୍ୟନ୍ତ ବରଫ ଜମି ରହିଛି । ତୁଷାରପାତ ପରେ ଭଗବାନ ବଦ୍ରି ବିଶାଲଙ୍କ ମନ୍ଦିରର ଦୃଶ୍ୟ ବେସ ମନଲୋଭା ଲାଗୁଥିଲା ।
ମେ 18ରେ ବ୍ରହ୍ମମୁହୁର୍ତ୍ତରେ ଭକ୍ତମାନଙ୍କ ପାଇଁ ଭଗବାନ ବଦ୍ରି ବିଶାଲଙ୍କ ଦ୍ବାର ଖୋଲାଯିବ। ଯେଉଁଥିପାଇଁ ଧାମର ବ୍ୟବସ୍ଥା ଜାଣିବା ପାଇଁ ଧାମରେ ପହଞ୍ଚିଛନ୍ତି ଦେବସ୍ଥାନମ୍ ବୋର୍ଡର ଏକ ଅଗ୍ରୀମ ଦଳ । ଲଗାତର 3 ଦିନ ଧରି ଧାମରେ ତୁଷାରପାତ ହେଉଛି ।
ତୁଷାରପାତ ହେତୁ ଧାମରେ ପହଞ୍ଚିଥିବା ଦଳ ଆହ୍ବାନର ସମ୍ମୁଖୀନ ହେଉଛନ୍ତି। ଆସ୍ତା ପଥ ଓ ମନ୍ଦିର ପରିସର ପୁରା ବରଫରେ ଆଚ୍ଛାଦିତ ହୋଇଛି । ଯେଉଁଥିପାଇଁ କବାଟ ଖୋଲିବାରେ ବାଧା ସୃଷ୍ଟି ହୋଇଛି । ବଦ୍ରିନାଥ ଧାମରେ ବର୍ଷା ଓ ତୁଷାରପାତ ଯୋଗୁଁ ଥଣ୍ଡା ମଧ୍ୟ ବୃଦ୍ଧି ପାଇଛି। ଅନ୍ୟପକ୍ଷରେ କେଦାରନାଥ, ମାଡମହେଶ୍ୱର, ତୁଙ୍ଗନାଥ, ଚନ୍ଦ୍ରଶିଲା ସମେତ ଉଚ୍ଚ ଉଚ୍ଚତାରେ ତୁଷାରପାତ ହୋଇଥିବାବେଳେ କେଦାରଗାଟୀ ଏବଂ ନିମ୍ନମାନର ଅଞ୍ଚଳରେ ବର୍ଷା ହୋଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
