ವಾಷಿಂಗ್ಟನ್: ಆಫ್ಘನ್ ನೆಲದಿಂದ ಅಮೆರಿಕ ಸೇನೆ ನಿರ್ಗಮಿಸುತ್ತಿದ್ದಂತೆ ಇದೀಗ ಪಾಕಿಸ್ತಾನಕ್ಕೂ ತಾಲಿಬಾನಿಗಳ ಆತಂಕ ಎದುರಾಗಿದೆ. ಈ ನಡುವೆ ಅಮೆರಿಕ ಜಂಟಿ ಸೇನಾ ಮುಖ್ಯಸ್ಥ ಜನರಲ್ ಮಾರ್ಕ್ ಮಿಲ್ಲೆ ಹಾಗೂ ಪಾಕಿಸ್ತಾನ ಸೇನಾ ಮುಖ್ಯಸ್ಥ ಜನರಲ್ ಖಮರ್ ಜಾವೇದ್ ಬಾಜ್ವಾ ದೂರವಾಣಿ ಮೂಲಕ ಸಂಭಾಷಣೆ ನಡೆಸಿದ್ದಾರೆ ಎಂದು ಪೆಂಟಗನ್ ತಿಳಿಸಿದೆ.
ಆಫ್ಘನ್ನಿಂದ ಯುಎಸ್ ಸೇನೆ ಮರಳಿದ ಬಳಿಕ ಇದೇ ಮೊದಲ ಬಾರಿಗೆ ಉಭಯ ದೇಶಗಳ ನಡುವೆ ರಕ್ಷಣೆ ಸಂಬಂಧಿಸಿದಂತೆ ಮಾತುಕತೆ ನಡೆದಿದೆ. ಈ ವೇಳೆ, ಪಾಕಿಸ್ತಾನ ಹಾಗೂ ಅಲ್ಲಿನ ಸುತ್ತಲಿನ ಪ್ರಸ್ತುತ ರಕ್ಷಣಾ ಸ್ಥಿತಿಗತಿ ಬಗ್ಗೆ ಯುಎಸ್ ಮಿಲಿಟರಿ ಮುಖ್ಯಸ್ಥ ಮಾಹಿತಿ ಪಡೆದಿದ್ದಾರೆ.
ಆಫ್ಘನ್ನಿಂದ ವಿಮಾನವೇರಿದ್ದ ಯುಎಸ್ ಸೇನೆಯ ಕೆಲವು ತಂಡ ಪಾಕಿಸ್ತಾನದ ಇಸ್ಲಾಮಾಬಾದ್ನಲ್ಲಿವೆ. ಇಲ್ಲಿಂದ ಅಮೆರಿಕ ತಲುಪಲಿವೆ. ಹಿರಿಯ ನಾಯಕರು ಪಾಕಿಸ್ತಾನ ಮತ್ತು ಪ್ರದೇಶದ ಪ್ರಸ್ತುತ ಭದ್ರತಾ ವಾತಾವರಣ ಸೇರಿದಂತೆ ಕೆಲ ವಿಷಯಗಳ ಬಗ್ಗೆ ಚರ್ಚಿಸಿದರು ಎಂದು ಜಂಟಿ ಸಿಬ್ಬಂದಿ ವಕ್ತಾರ ಕರ್ನಲ್ ಡೇವ್ ಬಟ್ಲರ್ ಮಾಹಿತಿ ನೀಡಿದ್ದಾರೆ.
ಆದರೆ, ಈ ಎರಡೂ ದೇಶಗಳ ನಡುವಿನ ಸಂಭಾಷಣೆ ಕುತೂಹಲಕ್ಕೂ ಕಾರಣವಾಗಿದೆ.
ಓದಿ: ಹವಾಮಾನ ಮಾತುಕತೆಗೆ ‘ವೈಷಮ್ಯ’ ಅಡ್ಡಿಯಾಗಬಹುದು: ಅಮೆರಿಕಕ್ಕೆ ಚೀನಾ ಎಚ್ಚರಿಕೆ