ಕಛ್ (ಗುಜರಾತ್‌) : ಗುಜರಾತ್‌ನಲ್ಲಿ ಬಾಲಿವುಡ್, ಗುಜರಾತಿ ಮತ್ತು ದಕ್ಷಿಣ ಭಾರತದ ಚಲನಚಿತ್ರಗಳು ಮತ್ತು ಧಾರಾವಾಹಿಗಳನ್ನು ಚಿತ್ರೀಕರಿಸಿದ ಅನೇಕ ಪ್ರವಾಸಿ ಸ್ಥಳಗಳಿವೆ. ಅದರಲ್ಲಿ ಕಚ್ ಹೆಸರು ಅಗ್ರಸ್ಥಾನದಲ್ಲಿದೆ. ಆದರೂ ಕಚ್ ಅದರ ನೈಸರ್ಗಿಕ ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಹೀಗಾಗಿ ಈ ಸ್ಥಳ ಜನರನ್ನು ಮತ್ತು ಚಲನಚಿತ್ರ ಗಣ್ಯರನ್ನು ಇಂದಿಗೂ ತನ್ನತ್ತ ಆಕರ್ಷಿಸುತ್ತಿದೆ.
ಇಂದು ನಾವು ಕಚ್‌ನ ಪ್ರವಾಸಿ ಸ್ಥಳದ ಬಗ್ಗೆ ಮಾತನಾಡುತ್ತೇವೆ. ಇದು ನಟಿ ಐಶ್ವರ್ಯಾ ರೈ ಬಚ್ಚನ್ ಮತ್ತು ಸಲ್ಮಾನ್ ಖಾನ್ ಅವರ ಸೂಪರ್‌ಹಿಟ್ ಚಲನಚಿತ್ರ 'ಹಮ್ ದಿಲ್ ದೇ ಚುಕೆ ಸನಮ್' ನ ಕೆಲವು ದೃಶ್ಯಗಳನ್ನು ಚಿತ್ರೀಕರಿಸಿದ ಸ್ಥಳವಾಗಿದೆ. ಹಾಗಾದರೆ ಇಲ್ಲಿ ಯಾವ ಚಲನಚಿತ್ರಗಳನ್ನು ಚಿತ್ರೀಕರಿಸಲಾಗಿದೆ ಮತ್ತು ಇಲ್ಲಿನ ಪ್ರಸಿದ್ದ ಛತ್ತೇಡಿ ಅಂದ್ರೆ ಏನು? ಎಂಬುದರ ಬಗ್ಗೆ ನಾವಿಂದು ನಿಮಗೆ ತಿಳಿಸುತ್ತೇವೆ.
ಕಛ್, ರೆಫ್ಯೂಜಿ, ಹಮ್ ದಿಲ್ ದೇ ಚುಕೆ ಸನಮ್, ಗೋಲಿಯೋನ್ ಕಿ ರಾಸ್ಲೀಲಾ, ರಾಮ್ ಲೀಲಾ, ಲಗಾನ್, ಮೊಹೆಂಜೊ ದಾರೋ, ಗೋರಿ ತೇರೆ ಪ್ಯಾರ್ ಮೇ, ದಿ ಗುಡ್ ರೋಡ್, ನೀಲಕಂಠ, ರಜಿಯಾ ಸುಲ್ತಾನ್ ಸೇರಿದಂತೆ ದಕ್ಷಿಣ ಭಾರತದ ಚಿತ್ರ ಮಗಧೀರ ಮುಂತಾದ ಹಲವು ಚಿತ್ರಗಳನ್ನು ಕಚ್‌ನ ವಿವಿಧ ಸ್ಥಳಗಳಲ್ಲಿ ಚಿತ್ರೀಕರಿಸಲಾಗಿದೆ. ಆರ್. ರಾಜ್‌ಕುಮಾರ್ ಅವರ ಗುಜರಾತಿ ಚಲನಚಿತ್ರ ಕಚ್ ಎಕ್ಸ್‌ಪ್ರೆಸ್ ಇನ್ ರಾನ್ ಆಫ್ ಕಚ್, ಜಾಕಿ ಶ್ರಾಫ್ ಅವರ ಮುಂಬರುವ ಚಲನಚಿತ್ರ ಟೂ ಝೀರೋ ಒನ್ ಫೋರ್ (2014) ಅನ್ನು ಸಹ ಕಚ್‌ನ ವಿವಿಧ ಸ್ಥಳಗಳಲ್ಲಿ ಚಿತ್ರೀಕರಿಸಲಾಗಿದೆ.
ಗುಜರಾತಿ, ಹಿಂದಿ ಮತ್ತು ದಕ್ಷಿಣದ ಈ ನಟರು ಸೇರಿದ್ದಾರೆ : ಅಮಿತಾಭ್ ಬಚ್ಚನ್, ಅಮೀರ್ ಖಾನ್, ಹೃತಿಕ್ ರೋಷನ್, ಜಾಕಿ ಶ್ರಾಫ್, ಶಾಹಿದ್ ಕಪೂರ್, ಸೋನಾಕ್ಷಿ ಸಿನ್ಹಾ, ಪ್ರಭುದೇವ್, ಕರೀನಾ ಕಪೂರ್, ಅಭಿಷೇಕ್ ಬಚ್ಚನ್, ಸಲ್ಮಾನ್ ಖಾನ್, ಐಶ್ವರ್ಯಾ ರೈ ಬಚ್ಚನ್, ರಣವೀರ್ ಮತ್ತು ಅನೇಕ ಇತರ ಪ್ರಸಿದ್ಧ ನಟರು ಚಿತ್ರಗಳ ಶೂಟಿಂಗ್‌ಗಾಗಿ ಕಚ್‌ಗೆ ಬಂದಿದ್ದಾರೆ. ಇಷ್ಟೇ ಅಲ್ಲ, ದೀಪಿಕಾ ಪಡುಕೋಣೆ, ಇಮ್ರಾನ್ ಖಾನ್ ಮತ್ತು ಸೌತ್ ಸಿನಿಮಾದ ಹೀರೋ ರಾಮ್ ಚರಣ್ ಹಾಗೂ ಗುಜರಾತಿ ಸಿನಿಮಾ ನಟರಾದ ಮಲ್ಹರ್ ಥಾಕರ್, ಮಾನ್ಸಿ ಪರೇಖ್, ಪಾರ್ಥಿವ್ ಗೋಹಿಲ್ ಮುಂತಾದವರು ವೈಟ್ ರಾನ್ ಆಫ್ ಕಚ್ ಮತ್ತು ಇತರ ಸ್ಥಳಗಳಲ್ಲಿ ಶೂಟಿಂಗ್ ಮಾಡಲು ಕಚ್‌ನ ಅತಿಥಿಗಳಾಗಿದ್ದಾರೆ.
ಏನಿದು ಛತ್ತೇದಿ? : ಛತ್ತೇದಿ ರಾಜಮನೆತನದ ಸಮಾಧಿಯಾಗಿದ್ದು, ಕೆಂಪು ಕಲ್ಲುಗಳಿಂದ ನಿರ್ಮಿಸಲಾಗಿದೆ. ಕಚ್‌ನಲ್ಲಿ ರಾಜಮನೆತನದ ಅನೇಕ ಸಮಾಧಿಗಳನ್ನು ಕಾಣಬಹುದು. ಇದರಲ್ಲಿ ಸತ್ತವರು ರಾಜಮನೆತನದ ವ್ಯಕ್ತಿಗೆ ರಕ್ಷಣೆ ಮತ್ತು ನೆರಳು ನೀಡುತ್ತಾರೆ ಎಂದು ನಂಬಲಾಗಿದೆ. 2001ರ ಭೂಕಂಪದಿಂದಾಗಿ ಅನೇಕ ಸ್ಮಾರಕಗಳು ನಾಶವಾಗಿವೆ. ಛತ್ತೇಡಿ ಸ್ಥಳವು ಅತ್ಯಂತ ಶಾಂತಿಯುತ ಮತ್ತು ತೆರೆದ ಮೈದಾನಗಳ ನಡುವೆ ಇದೆ. ಈ ಛತ್ತೇಡಿಯನ್ನು 1770 ರಲ್ಲಿ ರಾಜಮನೆತನದ ಸಮಾಧಿಯ ಗೌರವಾರ್ಥವಾಗಿ ನಿರ್ಮಿಸಲಾಯಿತು ಎಂಬುದು ತಿಳಿದುಬಂದಿದೆ.
ಸಲ್ಮಾನ್ - ಐಶ್ವರ್ಯಾ ಚಿತ್ರ ಪ್ರವಾಸ : ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ 1999 ರ ಸೂಪರ್‌ಹಿಟ್ ಚಲನಚಿತ್ರ 'ಹಮ್ ದಿಲ್ ದೇ ಚುಕೆ ಸನಮ್' ನ ಕೆಲವು ದೃಶ್ಯಗಳನ್ನು ಇಲ್ಲಿ ಚಿತ್ರೀಕರಿಸಲಾಗಿದೆ. ಈ ಚಿತ್ರದಲ್ಲಿ, ಸಲ್ಮಾನ್ ಖಾನ್ ನಾಯಕನ ಪಾತ್ರವನ್ನು ನಿರ್ವಹಿಸಿದ್ದಾರೆ ಮತ್ತು ಐಶ್ವರ್ಯಾ ರೈ ಬಚ್ಚನ್ ಚಿತ್ರದ ಒಂದು ದೃಶ್ಯವನ್ನು ಇಲ್ಲಿ ಚಿತ್ರೀಕರಿಸಲಾಗಿದೆ.
ಇದರಲ್ಲಿ ಛತ್ತೇಡಿಯ 3 ರಿಂದ 4 ಪ್ರತ್ಯೇಕ ಚೌಕಟ್ಟುಗಳನ್ನು ತೋರಿಸಲಾಗಿದೆ. ಅದರಲ್ಲಿ ನಟಿ ಐಶ್ವರ್ಯಾ ರೈ ಬಚ್ಚನ್ ಮತ್ತು ಸಲ್ಮಾನ್ ಖಾನ್ ಅವರು ಅಗ್ನಿಕುಂಡದ ಬಳಿ ಸುತ್ತಾಡುತ್ತಾರೆ. ಐಶ್ವರ್ಯಾ ರೈ ಬಚ್ಚನ್ ಅವರು ಸಲ್ಮಾನ್ ಖಾನ್ ಜೊತೆ ಡೇಟಿಂಗ್ ಮಾಡುವಾಗ ಮಾಡಿದ ಭರವಸೆಗಳು ಮತ್ತು ಪ್ರಮಾಣಗಳ ಬಗ್ಗೆ ಮಾತನಾಡಿದ್ದಾರೆ. ಈ ಚಿತ್ರವು IMDB ನಲ್ಲಿ 7.4 ರೇಟಿಂಗ್ ಅನ್ನು ಪಡೆದುಕೊಂಡಿದೆ.
'ಅಲ್ಬೆಲಾ ಸಜನ್ ಆಯೋ ರೇ' ದೃಶ್ಯ ಚಿತ್ರೀಕರಿಸಲಾಗಿದೆ: ಈ ದೃಶ್ಯದಲ್ಲಿ ನಟ ಸಲ್ಮಾನ್ ಖಾನ್ ಮತ್ತು ನಟಿ ಐಶ್ವರ್ಯಾ ರೈ ಪರಸ್ಪರ ತಬ್ಬಿಕೊಳ್ಳುತ್ತಾರೆ. ಅಷ್ಟರಲ್ಲಿ ವಿಕ್ರಮ್ ಗೋಖಲೆ ಅಲ್ಲಿಗೆ ತಲುಪುತ್ತಾರೆ. ಅಲ್ಲಿ ಇಬ್ಬರೂ ತಬ್ಬಿಕೊಳ್ಳುವುದನ್ನು ನೋಡಿದ ಅವರು ಐಶ್ವರ್ಯಾ ರೈ ಬಳಿ ನಂದಿನಿಯ ಹೆಸರನ್ನು ಜೋರಾಗಿ ಕೂಗುತ್ತಾರೆ. ಇದಲ್ಲದೇ ಚಿತ್ರದ 25ನೇ ನಿಮಿಷದಲ್ಲಿ ಬರುವ 'ಅಲ್ಬೆಲಾ ಸಜನ್ ಅಯೋ ರೇ' ಎಂಬ ಇದೇ ಚಿತ್ರದ ಇನ್ನೊಂದು ಹಾಡನ್ನು ಕೂಡ ಇದೇ ಛತ್ತೇಡಿಯಲ್ಲಿ ಚಿತ್ರೀಕರಿಸಲಾಗಿದೆ. ಇದರಲ್ಲಿ ವಿಕ್ರಮ್ ಗೋಖಲೆ ಕುಳಿತು ಸಲ್ಮಾನ್ ಖಾನ್ಗೆ ಹಾಡು ಕಲಿಸುತ್ತಾರೆ. ಇದರೊಂದಿಗೆ ಐಶ್ವರ್ಯಾ ರೈ ಕೂಡ ಕುಳಿತು ಸಂಗೀತ ವಾದ್ಯವನ್ನು ನುಡಿಸುತ್ತಿದ್ದಾರೆ.
