ধুবুৰীৰ নাও দুৰ্ঘটনাত চক্ৰ বিষয়াৰ মৃত্যুক লৈ মন্ত্ৰী যোগেন মহনৰ প্ৰতিক্ৰিয়া
শেহতীয়াকৈ ধুবুৰীত সংঘটিত নাও দুৰ্ঘটনাত চক্ৰ বিষয়া সঞ্জু দাসৰ মৃত্যুক লৈ মন্ত্ৰী যোগেন মহনৰ প্ৰতিক্ৰিয়া (Minister Jogen Mohan reacts on Circle officer death) ৷ দুৰ্ঘটনাত মৃত্যু হোৱা ৰাজহ চক্ৰ বিষয়া সঞ্জু দাসৰ পৰিয়াললৈ সমবেদনা জ্ঞাপনৰ লগতে শোক প্ৰকাশ কৰে ৰাজহ মন্ত্ৰীগৰাকীয়ে (Dhubri boat accident) ৷ লগতে মন্ত্ৰীগৰাকীয়ে কয়, "এনেকুৱা ঘটনাত বাৰুকৈ মৰ্মাহত হৈছো ৷ এনে ঘটনাৰ যাতে পুনৰাবৃত্তি নহয় তাৰ বাবে জিলা দণ্ডাধীশ পৰ্যায়ৰ তদন্তৰ আহ্বান জনাইছো ।" উল্লেখ্য যে, আজি সঞ্জু দাসৰ সৎকাৰ কৰা হ’ব ৷ সৎকাৰত ৰাজ্য চৰকাৰৰ নিৰ্দেশ মৰ্মে ৰাজহ বিভাগৰ যুটীয়া সচিব আনন্দ কুমাৰ দাস উপস্থিত থাকিব । চৰকাৰৰ নিয়ম অনুসৰি সঞ্জু দাসৰ পৰিয়ালে সকলো আৰ্থিক সাহাৰ্য্য আৰু অন্য সা-সুবিধা লাভ কৰিব বুলি মন্তব্য কৰে ৰাজহ আৰু দুৰ্যোগ প্ৰশমনৰ মন্ত্ৰী যোগেন মহনে (Circle officer Sanju Das body found)।