বতৰৰ বাধাকো নেওচি মহাষ্টমীৰ পূজা মণ্ডপত ভক্তপ্ৰাণ ৰাইজৰ সমাগম
প্ৰতিকূল বতৰৰ বাধাকো নেওচি সোমবাৰে দুৰ্গা পূজাৰ মহাষ্টমী উপলক্ষে ৰাজ্যৰ পূজা মণ্ডপ সমূহত পুৱাৰে পৰা দেখা যায় ভক্তপ্ৰাণ ৰাইজৰ সমাগম (Durga Puja in Assam) ৷ ভক্তপ্ৰাণ ৰাইজে মাৰ চৰণত নৈবদ্য আগবঢ়োৱাৰ লগতে চাকি-বন্তি, ধূপ-ধূনা জ্বলাই মাৰ আৰ্শীষ লয় । ৰাজ্যৰ অন্যান্য প্ৰান্তৰ লেখিয়াকৈ ৰঙাপৰাৰ ঐতিহাসিক সনাতন ধৰ্ম মণ্ডলী নামঘৰতো দেখিবলৈ পোৱা যায় ভক্তপ্ৰাণ ৰাইজৰ ভিৰ (Maha Ashtami 2022)। পুৰোহিতে বৈদিক মন্ত্ৰোচ্চাৰণৰে ৰাইজক পূজাৰ অঞ্জলী প্ৰদান কৰে । অৱশ্যে সোমবাৰে পুৱাৰে পৰা হৈ থকা বৰষুণৰ ফলত পূজাৰ আনন্দ উল্লাসত কিছু ম্লান পৰা পৰিলক্ষিত হয় । উল্লেখ্য যে, ৮৪ বছৰ গৰকা সনাতন ধৰ্ম মণ্ডলী নামঘৰত জাক জমকতাৰ বিপৰীতে এক আধ্যাত্মিক পৰিৱেশৰ মাজত পূজা কৰি আহিছে শক্তিৰ দেৱী দুৰ্গাক ।