Fish Market at Kaliabor : চুলুং বজাৰত মাছৰ উজান

আজি মাঘৰ উৰুকা (Bhogali Bihu 2023) ৷ উৰুকা নিশা হাঁহে-মাহে সকলো দোষ-ভাগৰ এৰি লগে ভাগে এসাজ খাবলৈ মন মেলিছে ৰাজ্যবাসীয়ে ৷ সেয়ে পচন্দৰ মাছটো ক্ৰয় কৰিবলৈ মাঘৰ উৰুকাৰ পুৱতি নিশাই লোকাৰণ‍্য হ’ল কলিয়াবৰৰ চুলুং পাইকাৰী মাছৰ বজাৰ ৷ হেতা-ওপৰা লাগিছে গ্ৰাহকৰ মাজতো (Many people gather at Kaliabor fish market) ৷ প্ৰায় ৩০ লক্ষাধিক টকাৰ মাছৰ ব্যৱসায়ৰে ভোগালীক আদৰিছে অসমৰ অন্যতম পাইকাৰী মাছৰ বজাৰ কলিয়াবৰৰ চুলুং বজাৰে । শিলঘৰীয়া, চিতল, বৰালী, ৰৌ, বাহু, ঢেকেৰা আদি মাছ আজি কোনে কিনিব ? ইফালে পূৰ্বৰ তোলনাত বৃদ্ধি পাইছে মাছৰ দামো । তথাপিও বছৰেকৰ বিহুটিৰ বাবে উচ্চ দামতো একাংশ গ্ৰাহকে ক্ৰয় কৰিছে ৪ ৰ পৰা ১২ কেজি ওজনৰ চিতল-বৰালী ৷