যোৰহাট,৪ জুন: প্ৰাপ্তিৰ হাঁহি মুখত লৈ পিতৃৰ সমষ্টিত উপস্থিত গৌৰৱ গগৈ । বিজয় মুকুট পৰিধান কৰি পিতৃৰ সমষ্টিৰ দলীয় সমৰ্থকৰ মাজত বিজয় উল্লাস কৰিলে যোৰহাট লোকসভা সমষ্টিৰ বিজয়ী কংগ্ৰেছী প্ৰাৰ্থীগৰাকীয়ে । দলীয় সমৰ্থকৰ সৈতে বিহু নাচি আত্মহাৰা হৈ পৰে বিজয়ী গৌৰৱ গগৈ । যোৰহাট লোকসভা সমষ্টিত অভূতপূৰ্ব ব্যৱধানত কংগ্ৰেছ প্ৰাৰ্থী গৌৰৱ গগৈয়ে জয় লাভ কৰা লগে লগে কংগ্ৰেছ কৰ্মীসকলৰ মাজত আনন্দ উল্লাস কৰা পৰিলক্ষিত হয় ।

লগতে পঢ়ক: গৌৰৱময় যোৰহাট, গৌৰৱান্বিত কংগ্ৰেছ কৰ্মী - Lok Sabha Election Results 2024

ইয়াৰ মাজতে দলীয় কৰ্মকৰ্তাক ধন্যবাদ জ্ঞাপন কৰিবলৈ গৈ কংগ্ৰেছ প্ৰাৰ্থী গৌৰৱে নিজ পিতৃৰ সমষ্টিত পদাৰ্পন কৰি সমৰ্থকৰ লগত এপাক বিহু নাচে । উল্লেখ্য যে যোৰহাট লোকসভা সমষ্টিৰ অন্তৰ্গত তিতাবৰত গৌৰৱ গগৈয়ে ৪০,৫৫৫ টা অধিক ভোটত অগ্ৰগতি লাভ কৰে । ইতিমধ্যে তিতাবৰত দলীয় সমৰ্থকৰ লগত বিহু নাচি যোৰহাট বিধানসভা সমষ্টিলৈ অগ্ৰসৰ হৈছে গগৈ আৰু যোৰহাটতে বিজয়ী প্ৰমাণ পত্ৰ গ্ৰহণ কৰিব প্ৰাৰ্থীগৰাকীয়ে । 

লোকসভা নিৰ্বাচনৰ ফলাফলৰ অধিক বা-বাতৰিৰ বাবে ক্লিক কৰক :
https://www.etvbharat.com/en/!elections/election-2024