অক্সফৰ্ড বিশ্ববিদ্যালয়ৰ গৱেষকসকলে দ্বিতীয় পালিৰ কমেও ১৪ দিন পিছত টীকাকৰণ নোহোৱা লোক আৰু টীকাকৰণ কৰা লোকৰ গুৰুতৰ ৰোগৰ আশংকাসমূহ অধ্যয়ন কৰিছিল । এই অধ্যয়নে দেখুৱাইছিল যে ক'ভিড প্ৰতিষেধক গ্ৰহণ কৰা শৰীৰৰ আকাৰ ভেদে সকলোৰে ক্ষেত্ৰত গুৰুতৰ ৰোগৰ আশংকা হ্ৰাস কৰে । অৱশ্যে কম ওজনৰ লোকৰ ক্ষেত্ৰত ইয়াৰ প্ৰভাৱ কিছু কম ।
অধ্যয়নত দেখা গৈছে যে কম ওজনৰ টীকাকৰণ কৰা লোকসকলৰ তুলনাত একে বিএমআইৰ (Body Mass Index) টীকাকৰণ নোহোৱা লোকৰ চিকিৎসালয়ত ভৰ্তি হোৱা বা মৃত্যু হোৱাৰ সম্ভাৱনা প্ৰায় আধা । গৱেষকসকলৰ মতে, ইয়াৰ কাৰণ হ'ব পাৰে যে কম ওজনৰ লোকসকলৰ টীকাকৰণ কৰাৰ সম্ভাৱনা আটাইতকৈ কম আছিল । ইয়াৰ উপৰিও দুৰ্বল বা কম ওজনৰ সৈতে জড়িত অন্যান্য সমস্যাৰ বাবে ৰোগ প্ৰতিৰোধ সঁহাৰি হ্ৰাস হোৱাটোও হ'ব পাৰে । বিএমআই আৰু ৰোগ প্ৰতিৰোধ সঁহাৰিৰ মাজৰ সম্পৰ্ক অন্বেষণ কৰিবলৈ আৰু অধিক গৱেষণাৰ প্ৰয়োজন বুলি গৱেষকসকলে উল্লেখ কৰে ।
ইয়াৰ বিপৰীতে, টীকাকৰণ কৰা স্বাস্থ্যৱান আৰু উচ্চ বিএমআই শ্ৰেণীৰ লোকসকলৰ টীকাকৰণ কৰা লোকসকল টীকাকৰণ নোহোৱা লোকৰ তুলনাত চিকিৎসালয়ত ভৰ্তি হোৱাৰ সম্ভাৱনা প্ৰায় ৭০ শতাংশ কম আছিল । স্বাস্থ্যকৰ বা উচ্চ বিএমআই থকা যিসকল লোকে প্ৰতিষেধক গ্ৰহণ কৰিছে তেওঁলোকৰ দ্বিতীয় পালিৰ দুসপ্তাহ পিছত টীকাকৰণ নোহোৱাসকলৰ তুলনাত মৃত্যু হোৱাৰ সম্ভাৱনাও প্ৰায় দুই-তৃতীয়াংশ কম আছিল ।
অক্সফৰ্ডৰ নুফিল্ড প্ৰাথমিক যত্ন স্বাস্থ্য বিজ্ঞান বিভাগৰ মুখ্য লেখক ডঃ কাৰমেন পিয়েৰনাছে এই ক্ষেত্ৰত কয় যে তেওঁলোকৰ ফলাফলে এইটো প্ৰমাণ কৰিছে যে ক'ভিড-19 প্ৰতিষেধকে সকলো আকাৰৰ লোকৰ জীৱন ৰক্ষা কৰে । ফলাফলে মেদবহুলতা থকা লোকসকলকো আশ্বাস প্ৰদান কৰি কয় যে ক'ভিড-19 প্ৰতিষেধক কম বিএমআই থকা লোকসকলৰ দৰে মেদবহুলতা থকা লোকৰ বাবেও সমানে কাৰ্যকৰী আৰু ক'ভিডত আক্ৰান্ত হ'লেও টীকাকৰণে তেওঁলোকৰ গুৰুতৰ ৰোগৰ আশংকা যথেষ্ট পৰিমাণে হ্ৰাস কৰে ।
এই তথ্যবোৰে কম বিএমআই থকা লোকসকলৰ টীকাকৰণ প্ৰক্ৰিয়া বৃদ্ধি কৰাৰ প্ৰচেষ্টাৰ ওপৰতো গুৰুত্ব আৰোপ কৰে । যিটো সময়ত উচ্চ বিএমআই থকা লোকৰ তুলনাত কম বিএমআই থকা লোকসকলৰ বৰ্তমান টীকাকৰণৰ হাৰ কম ।
উল্লেখ্য যে, অধ্যয়নটো (Lancet Diabetes and Endocrinology study on covid vaccine effect) ৯,১৭১,৫২৪ গৰাকী ৰোগীৰ ওপৰত কৰা হৈছিল । সেইসকল ভিতৰত আছে, যিসকলৰ বয়স ১৮ বছৰতকৈ অধিক আছিল, তেওঁলোকৰ বিএমআই তথ্য আছিল আৰু ২০২০ চনৰ ৮ ডিচেম্বৰৰ পৰা ২০২১ চনৰ ১৭ নৱেম্বৰলৈ ক'ভিডত আক্ৰান্ত হোৱা নাছিল । লোকসকলক তেওঁলোকৰ বিএমআইৰ ওপৰত নিৰ্ভৰ কৰি ভাগ কৰা হৈছিল ।
অধ্য়য়নত দেখা গৈছিল যে, প্ৰতিষেধকৰ দুটা পালিৰ পিছত স্বাস্থ্যৱান লোকৰ তুলনাত নিম্ন আৰু উচ্চ বিএমআই থকা লোকসকলৰ গুৰুতৰ ৰোগৰ আশংকা যথেষ্ট বেছি আছিল । উদাহৰণ স্বৰূপে, যাৰ বিএমআই ২৩ আছিল তেওঁলোকৰ তুলনাত ১৭ বিএমআইৰ লোকসকল চিকিৎসালয়ত ভৰ্তি হোৱাৰ বিপদাশংকা ৫০ শতাংশ বৃদ্ধি পাইছিল । আনহাতে স্বাস্থ্যৱান লোকৰ তুলনাত ৪৪ বিএমআইৰ লোকৰ চিকিৎসালয়ত ভৰ্তি হোৱাৰ আশংকা তিনিগুণ আছিল ।
অৱশ্যে মেদবহুলতা থকা লোকসকলৰ বৰ্ধিত বিপদাশংকাৰ কাৰণ অজ্ঞাত যদিও উচ্চ বিএমআইৰ লোকসকলৰ ঋতুকালীন ফ্লু সংক্ৰমণৰ হাৰ বেছি আছিল । গৱেষকৰ দলটোৱে ধাৰণা কৰা মতে ওজন বেছি থকা ব্যক্তিসকলৰ ক্ষেত্ৰত পৰিৱৰ্তিত ৰোগ প্ৰতিৰোধ সঁহাৰি ইয়াৰ বাবে দায়ী হ'ব পাৰে ।
লগতে পঢ়ক :দম্পতীৰ মাজত আৱেগিক দূৰত্ব কেতিয়া বাঢ়ে ?
