হিন্দু ধর্মত পূৰ্ণিমা তিথিক অতি গুৰুত্বপূৰ্ণ বুলি গণ্য কৰা হয় ৷ এবছৰত মুঠ ১২টা পূৰ্ণিমা তিথি থাকে ৷ ইয়াৰে এটা হ'ল বুদ্ধ পূৰ্ণিমা ৷ চলিত বৰ্ষৰ ২৩ মে' অৰ্থাৎ বৃহস্পতিবাৰে পৰিছে বুদ্ধ পূৰ্ণিমা ৷ বুদ্ধ পূৰ্ণিমাৰ দিনা লক্ষ্মী দেৱীক পূজা কৰা হয় ৷ বিশ্বাস কৰা হয় যে বুদ্ধ পূৰ্ণিমাৰ দিনা দেৱী লক্ষ্মীয়ে ঘৰত বিৰাজ কৰে ৷ সেয়ে বুদ্ধ পূৰ্ণিমা দিনটোত আমি কিছু কাম কৰাৰ পৰা বিৰত থাকিব লাগে, নহ'লে দেৱী লক্ষ্মী ৰুষ্ট হৈ পৰে ৷
বুদ্ধ পূৰ্ণিমাৰ দিনা সুৰাপানৰ উপৰিও নকৰিব এই কাম
এই দিনটোত লক্ষ্মীয়ে ৮টা ঐশ্ব্যৰিক ৰূপ লৈ পৃথিৱীত বিচৰণ কৰে ৷ এই দিনটোত দেৱী লক্ষ্মীয়ে ঘৰত প্ৰৱেশ কৰে ৷ এই পৰিস্থিতিত এটা কথা মন কৰিবলগীয়া যে বুদ্ধ পূৰ্ণিমাৰ দিনা মাংস, মদ, ধুমপান আদি কৰিব নালাগে ৷
এই সামগ্ৰী দান নকৰিব
বুদ্ধ পূৰ্ণিমাৰ দিনটোত কোনো ক'লা বস্তু যেনে ক'লা দালি, ক'লা কাপোৰ, ক'লা তিল আদি দান কৰাটো উচিত নহয় ৷ কাৰণ এই দিনটোত ক'লা বস্তু দান কৰিলে ৰাহুৰ কু-প্ৰভাৱ বৃদ্ধি পায় ৷ ৰাহুৰ কু-প্ৰভাৱৰ বাবে ঘৰত ঋণাত্মক শক্তিৰ প্ৰবাহ বাঢ়িবলৈ ধৰে ৷
এই ৰঙৰ কাপোৰ নিপিন্ধিব
বুদ্ধ পূৰ্ণিমাৰ দিনটোত ক'লা-বগা দুই ৰঙৰ কাপোৰ পিন্ধিব নালাগে ৷ এই দিনটোত এই দুই ৰঙৰ কাপোৰ পৰিধান কৰাটো অশুভ বুলি গণ্য কৰা হয় ৷ লগতে ক'লা ৰঙে নেতিবাচক শক্তিৰ সঞ্চাৰণ কৰে ৷ ইফালে বগা ৰঙৰ কুপ্ৰভাৱত পৰিয়ালত বিসংগতি বৃদ্ধি পায় আৰু শান্তি বিঘ্নিত হয় ৷
কাকো অপমান নকৰিব
পূৰ্ণিমাৰ দিনা চিন্তা-বাক্য-কর্মত পিতৃ-মাতৃ আৰু বয়োজ্যেষ্ঠজনক কোনো ধৰণৰ অপব্যৱহাৰ বা অপমান কৰাটো উচিত নহয় ৷ ইয়াৰ ফলত দেৱতাৰ লগতে পূৰ্বপুৰুষৰ খং উঠে ৷
লগতে পঢ়ক: Buddha Purnima 2023: বুদ্ধ পূৰ্ণিমা পালন কৰাৰ ৬ টা বিশেষ কাৰণ কি জানেনে ?
