পুৱা 11 বজাৰ 10 শীৰ্ষ বাতৰি

আদবাটত ব্ৰহ্মপুত্ৰ মেইলৰ চেইন টানি পলায়ন যাত্ৰীৰ

হোজাইত বহিঃৰাজ্যৰ পৰা অহা যাত্ৰীৰ ট্ৰেইনৰ পৰাই পলায়ন ৷ উজনিমুৱা ব্ৰহ্মপুত্ৰ মেইল চেইন টানি পলায়ন কেইবাজনো যাত্ৰীৰ। হোজাই ষ্টেচন পাৰ হোৱাৰ পাচতেই 2 নং গেটৰ ওচৰত চেইন টানিলে ৰেল যাত্ৰীয়ে । বৰ্তমান হোজাই ষ্টেচনত ষ্টপেজ নথকাত কোনো যাত্ৰীযে এনে কাৰ্য কৰাৰ আশংকা কৰা হৈছে ।

হোজাই জিলাৰ শেহতীয়া পৰিস্থিতিৰ বুজ ল'বলৈ উপস্থিত হ'ল স্বাস্থ্যমন্ত্ৰী ড০ হিমন্ত বিশ্ব শৰ্মা । শংকৰদেৱ নগৰত সাম্প্ৰতিক পৰিস্থিতিৰ সন্দৰ্ভত কেইবাটাও গুৰুত্বপূৰ্ণ মন্তব্য প্ৰদান কৰিলে স্বাস্থ্যমন্ত্ৰী গৰাকীয়ে ।

বোকাখাতত এজন ব্যৱসায়ীৰ ঘৰত উদ্ধাৰ হৈছে 18 লাখ নগদ ধন ৷ কদম কালোৱাৰ নামৰ ব্যক্তিজনৰ পৰা আৰক্ষীয়ে জব্দ কৰিছে এই ধনখিনি ৷ ইয়াৰ লগতে আৰক্ষীয়ে জব্দ কৰিছে বৃহৎ পৰিমাণৰ গুটখা, পাণ মছলা, বিড়ি আৰু আন ধঁপাতজাতীয় সামগ্ৰী ৷

শোণিতপুৰ জিলাৰ ৰঙাপৰাত প্ৰথমটো কোভিড-19 আক্ৰান্তৰ ঘটনা পোহৰলৈ আহিছে শনিবাৰে ৷ কোভিড-19ত আক্ৰান্ত হৈছে ৰঙাপৰাৰ এজন যুৱক ৷

পূৰ্বৱৰ্তী লাডাখক লৈ ভাৰত-চীনৰ মাজত উদ্ভৱ হোৱা পৰিস্থিতিৰ বাবে শনিবাৰে দুয়োখন দেশৰ মাজতে এক আলোচনা অনুষ্ঠিত হৈ যায় ৷ ভাৰত আৰু চীনৰ মাজত প্ৰথমবাৰৰ বাবে সামৰিক বিবাদ নিষ্পত্তি কৰিবলৈ এইদৰে সেনাৰ লেফটেনেন্ট জেনেৰেল পৰ্যায়ৰ বৈঠক অনুষ্ঠিত হৈছিল ৷ চীনৰ পিএলএৰ টিবেট মিলিটাৰী ডিষ্ট্ৰিক্টৰ কামাণ্ডাৰৰ বিপৰীতে ভাৰতৰ 14 ক'ৰৰ কামাণ্ডাৰে বৈঠকত মিলিত হয় ৷ দুয়োটা দলৰ মাজত প্ৰায় 5 ঘন্টা ধৰি চলে এই আলোচনা ৷

ডিমা হাছাও জিলাৰ জনস্বাস্থ্য কাৰিকৰী বিভাগৰ কৰ্মচাৰীৰ কৰ্মবিৰতি ঘোষণা ৷ এবছৰ ধৰি বন্ধ হৈ আছে ডিমা হাছাও জিলাৰ জনস্বাস্থ্য কাৰিকৰী বিভাগৰ 538 গৰাকী কৰ্মচাৰীৰ দৰমহা ।

বাক্সাত প্ৰধানমন্ত্ৰী আৱাস যোজনাৰ গৃহ নিৰ্মাণত ব্যাপক দুৰ্নীতি ৷ ভিচিডিচিৰ চেয়াৰমেনৰ বিৰুদ্ধে হিতাধিকাৰীৰ সমস্ত ধন আত্মসাৎ কৰাৰ অভিযোগ ৷ তিনি বছৰে সম্পূৰ্ণ নহ'ল হিতাধিকাৰীৰ ঘৰ ৷

হাজোত বুট-মাহত বিষক্ৰিয়া হৈ এজনৰ মৃত্যু হোৱাৰ লগতে প্ৰায় অৰ্ধ শতাধিকলোক আক্ৰান্ত হয় ৷ আদ্য শ্ৰাদ্ধৰ প্ৰসাদ খাই আক্ৰান্ত হয় লোকসকল ৷ কামৰূপ জিলাৰ হাজোৰ শান্তি পুৰৰ মহিম দাস নামৰ লোকজনৰ মাহেকীয়া শ্ৰাদ্ধ উপলক্ষে বুধবাৰে আয়োজন কৰা হৈছিল এক অনুষ্ঠান |

শনিবাৰে দিল্লী আৰক্ষীৰ অপৰাধ শাখাই উত্তৰ-পূব দিল্লীত সংঘটিত সাম্প্ৰদায়িক হিংসাৰ বাবেই এজন স্থানীয় ব্যক্তিৰ হত্যা সন্দৰ্ভত দিল্লী আদালতত অভিযোগ পত্ৰ দাখিল কৰে । আনহাতে, আদালতে ঘটনা সন্দৰ্ভত আগন্তুক ২০ জুনত শুনানি গ্ৰহণ কৰিব বুলি জানিবলৈ দিয়ে ।

বাক্সাৰ লতিবাৰী শংকৰদেৱ বিদ্যা নিকেতনৰ দুই কৃতী ছাত্র-ছাত্ৰীক দল সংগঠনৰ সম্বৰ্ধনা । সুখ্যাতিৰে হাইস্কুল শিক্ষান্ত পৰীক্ষাত এশ শতাংশ উত্তীৰ্ণ হৈ সুনাম কঢ়িয়াই আনিবলৈ সক্ষম হৈছে ছাত্ৰ-ছাত্ৰীসকল ৷