আজিকালি অডিঅ’লজী বিভাগত ৰোগীৰ সংখ্যা বৃদ্ধি পোৱা পৰিলক্ষিত হৈছে। শ্ৰৱণ আৰু কথোপকথনৰ সমস্যা আদিৰ সমাধানৰ বাবে এটা বিভাগত চিকিৎসা কৰা হয় । শ্ৰৱণ সমস্যা পৰীক্ষাৰ বাবে সাধাৰণতে BERA, OAE আদি পৰীক্ষা কৰা হয় । লগতেই PTA আদিও পৰীক্ষা কৰে । PTA হৈছে Pure Tone Average আৰু ইয়াৰ দ্বাৰা কাণৰ শ্ৰৱণ শক্তিৰ বিশেষ ধৰণে প্ৰৱল্য নিৰ্ণয় কৰা হয়। এনে পৰীক্ষাৰ দ্বাৰা কাণ দুখনৰ গড় শ্ৰৱণ শক্তি নিৰ্ণয় কৰিব পাৰি ।
ইফালে BERA পৰীক্ষা হৈছে Brain Evoked Response Auditory পৰীক্ষা ব্যৱস্থা । সাধাৰণতে শিশুৰ ক্ষেত্ৰত বিশেষকৈ ১-৩ বছৰৰ ভিতৰত শিশুৰ শ্ৰৱণ শক্তি সঠিক আছে নে নাই সেই বিষয়ে নিৰূপণ কৰা হয় । আঠ নম্বৰ কাৰ্নিয়েল স্নায়ুৰ পৰা বৈদ্যুতিক প্ৰৱাহ মস্তিষ্কলৈ প্ৰেৰণ কৰাৰ পিচত দুয়োটাৰ মাজত কেনেধৰণৰ সংকট স্থাপন হয় সেয়া এনে পৰীক্ষাৰ জৰিয়তে জানিব পাৰি । আনহাতে OAE হৈছে Otoacoustic emissions আৰু এনে পৰীক্ষাৰ জৰিয়তে অন্তঃকৰ্ণ আৰু ককলিয়াই কেনেদৰে কাৰ্য সম্পাদন কৰি আছে সেয়া নিৰ্ণয় কৰিব পাৰি ।
এই বিভাগটোত কোনো ৰোগীক যদি ‘হিয়াৰিং এইড’ৰ প্ৰয়োজন হয় তেতিয়াহ’লে সেয়াও কৰা হয় । শিশুৰ ক্ষেত্ৰত 'স্পীচ থেৰাপি' আদিও কৰিলে সুফল পোৱা যায় । কোনো শিশুৰ যদি জন্মৰ পৰা তিনিবছৰ বয়সলৈ ভাষা বা কথোপকথনৰ বিকাশ নহয় তেতিয়া ‘স্পীচ থেৰাপি’ কৰা হয় । যদি তিনি বছৰৰ শিশু এটিৰ কথা বয়স অনুপাতে নহয় তেতিয়া এনে চিকিৎসা কৰিবই লাগে ।
তদুপৰি অটিজ’ম এডি এছ টি আদি ডিছ অৰ্ডাৰ অৰ্থাৎ বিসংগতি আদিৰো পৰীক্ষা কৰা হয় । প্ৰথমতে শিশু এটি আহিলে বিভিন্ন দিশৰ পৰা শিশুটিক বিশ্লেষণ কৰি সিদ্ধান্ত লোৱা হয় কেনে পৰীক্ষা কৰিলে সুফল পোৱা যাব । শ্ৰৱণ শক্তিৰ ক্ষেত্ৰত সদায় গুৰুত্ব প্ৰদান কৰিব লাগে । কাৰণ শ্ৰৱণ শক্তি অবিহনে দৈনন্দিন জীৱনত কাৰ্য সম্পাদনত ব্যাঘাত জন্মে । কেতিয়াবা কোনো ব্যক্তিয়ে পিছফালৰ পৰা মাতি থকাৰ দৰে শুনা পায় । অথচ কোনোৱে মতাই নাই। আন কেতিয়াবা আকৌ ওচৰতে কথাপাতি থাকিলেও আনৰ কথা নুশুনে । কেতিয়াবা দুখনৰ ভিতৰত গুম গুম শব্দ হৈ থাকে । যদিহে এনে ধৰণৰ সমস্যা দেখা যায় তেন্তে অনতিপলমে চিকিৎসকৰ পৰামৰ্শ গ্ৰহণ কৰিব লাগে । কাৰণ যদিহে শ্ৰৱণ শক্তি হ্ৰাস পোৱাৰ লগে লগে চিকিৎসা কৰা হয় তেতিয়াহ’লে মেডিচিনৰ দ্বাৰা উপশম ঘটে ।
চিকিৎসা নকৰিলে পিচত হিয়াৰিং এইড ল’বলগীয়া হয় । কাণত থকা স্নায়ু দুৰ্বল হ’লে এনেধৰণৰ সমস্যাৰ সৃষ্টি হ’ব পাৰে । কেতিয়াবা কাণৰ পর্দাত ফুটা থাকিলে ইমপিডেন্স যন্ত্ৰৰ সহায়ত এইবোৰ নিৰ্ণয় কৰি চিকিৎসা কৰা হয় । ইয়াকেইমপিডেন্স অডিঅ’মেন্ট্ৰি বুলি কোৱা হয় ৷
লগতে পঢ়ক: Signs of liver damage: যকৃতৰ ক্ষতি হ’লে শৰীৰত দেখা দিয়ে এইসমূহ লক্ষণ
