টীয়ক, 3 মে’ : পবিত্ৰ ৰমজান মাহৰ অন্ত পেলাই সমগ্ৰ বিশ্ববাসীৰ লগতে ৰাজ্যৰ ইছলাম ধৰ্মাৱলম্বী লোকসকলেও আজি অৰ্থাৎ মঙলবাৰে উদযাপন কৰিছে ঈদ উল ফিতৰ (Eid Ul Fitr 2022) ৷ ৰাজ্যৰ ভিন্ন প্ৰান্তৰ লেখীয়াকৈ বিশ্বৰ অন্যান্য স্থানৰ লগতে যোৰহাট জিলাৰ কাকজানত কাকজান ৰাজহুৱা ঈদগাহৰ প্ৰাংগণত সমূহীয়াকৈ অনুষ্ঠিত কৰা হৈছে ঈদৰ নামাজ ।
উক্ত ৰাজহুৱা নামাজৰ ইমামতি কৰে বনগাঁৱৰ জামাতৰ ইমাম মৌলানা হাফিজ নৰুল হকে । উল্লেখ্য যে, বিগত দুটা বছৰ ক’ভিড সৃষ্ট পৰিৱেশৰ বাবে ৰাজহুৱাভাৱে উদযাপন কৰিব পৰা নাছিল পবিত্ৰ ঈদ ৷ কিন্তু পূৰ্বৰ তুলনাত এইবাৰ ক’ভিড পৰিস্থিতি কিছু শাম কাটিছে ৷
যাৰ পৰিপ্ৰেক্ষিতত এইবাৰ দুগুণ উৎসাহেৰে ঈদৰ নামাজত অংশগ্ৰহণ গ্ৰহণ কৰাৰ বাবে ওলাই আহিছে ইছলাম ধৰ্মাৱলম্বী লোকসকল ৷ কেৱল ইছলাম ধৰ্মাৱলম্বী লোকসকলে নহয়, শতবছৰ গৰকা এই কাকজান ৰাজহুৱা ঈদগাহৰত জাতি-ধৰ্ম-বৰ্ণ নিৰ্বিশেষে ৰাইজে একগোট লৈ ঈদৰ এই পবিত্ৰ ক্ষণত বিশ্বশান্তিৰ বাবে নেদেখাজনৰ ওচৰত দোৱা মাগিছে ৷
লগতে পঢ়ক : Eid-ul-fitr-2022 : মৰিগাঁৱৰ আঞ্চলিক ঈদগাহ ময়দানত সম্পন্ন ঈদৰ নামাজ
