গুৱাহাটী, 9 ডিচেম্বৰ: ন ন তথ্য পোহৰলৈ আহিছে ৰাজ্য কঁপাই যোৱা ডিব্ৰুগড় বিশ্ববিদ্যালয়ৰ ভয়ংকৰ ৰেগিংকাণ্ডৰ ঘটনাৰ(DU ragging controversy) । 27 নৱেম্বৰত সংঘটিত হোৱা এই ভয়ানক ৰেগিংকাণ্ডৰ পাছতেই মুখ্যমন্ত্ৰীগৰাকীৰ নিৰ্দেশত ডিব্ৰুগড় বিশ্ববিদ্যালয় কৰ্তৃপক্ষ আৰু ডিব্ৰুগড় আৰক্ষীয়ে পৃথকে পৃথকে সমগ্ৰ ঘটনাক লৈ চলাইছে তদন্ত । ইতিমধ্যে ডিব্ৰুগড় আৰক্ষীয়ে 7 জনক আটক কৰি জেললৈ প্ৰেৰণ কৰাৰ বিপৰীতে ডিব্ৰুগড় বিশ্ববিদ্যালয় কৰ্তৃপক্ষই আজি পৰ্যন্ত 6 জনকৈ ছাত্ৰৰ ওপৰত শাস্তিমূলক ব্যৱস্থা গ্ৰহণ কৰি বিশ্ববিদ্যালয়ৰ পৰা বহিষ্কাৰ কৰিছে(Student expelled from DU) ।
আনহাতে এই ৰেগিং কাণ্ডৰ ভুক্তভোগী আনন্দ শৰ্মাই চিকিৎসালয়ৰ বিচনাতে সময় অতিবাহিত কৰিব লগা হৈছে । আজি ৰেগিংকাণ্ডৰ ভুক্তভোগী আনন্দ শৰ্মাৰ পৰিয়ালে ডিব্ৰুগড় বিশ্ববিদ্যালয়ৰ পদ্মনাথ গোহাঞি বৰুৱা ছাত্ৰাবাসৰ একাংশ ছাত্ৰ আৰু ৱাৰ্ডেনৰ বিৰুদ্ধে উত্থাপন কৰিছে গুৰুতৰ অভিযোগ(Ragging incident of DU) । পোহৰলৈ আহিছে আনন্দ শৰ্মাক ৰেগিঙৰ সময়ৰ হোৱাটচএপ মেচেজ । পৰিয়ালে জানিবলৈ দিয়া মতে, 17 নৱেম্বৰত আনন্দ শৰ্মাই ৰেগিং সন্দৰ্ভত অভিযোগ দিয়াৰ পিছতে PNGBCNৰ হোৱাটচ'এপ গ্ৰুপত আহিছিল অভিযোগ দিয়াৰ খবৰ(Dibrugarh University ragging case) ।
ইয়াৰ পিছতে চলিছিল আনন্দ শৰ্মাক নিৰ্যাতনৰ পৰিকল্পনা । মেচেজৰ কথোপকথনত স্পষ্ট হৈছে উজ্জ্বল অংকুৰ বৰা জড়িত থকাৰ কথা । লগতে বিশ্ববিদ্যালয়ৰ ছাত্ৰাবাসলৈ অবৈধভাৱে বহু ছাত্ৰৰ প্ৰৱেশৰ কথা স্পষ্ট হৈছে । ইফালে 27 নৱেম্বৰৰ ঘটনা সংঘটিত হোৱাৰ পিছতে হোৱাটচএপ গ্ৰুপৰ পৰা ৰিম'ভ কৰা হৈছিল আনন্দ শৰ্মাক । আজি এই সমগ্ৰ অভিযোগ সংবাদ মাধ্যমৰ আগত দাঙি ধৰে আনন্দ শৰ্মাৰ দুই ভগ্নীয়ে । কিয়নো আনন্দ শৰ্মাৰ ম’বাইলৰ পৰা এইসমূহ তথ্য লাভ কৰিছে আনন্দ শৰ্মাৰ দুই ভগ্নীয়ে ।
ছাত্ৰাবাসৰ ৱাৰ্ডেনৰ লগতে বিশ্ববিদ্যালয় কৰ্তৃপক্ষই একাংশ ছাত্ৰক আনন্দ শৰ্মাই দিয়া অভিযোগৰ তথ্য যোগান ধৰা বাবেই এই ৰেগিংকাণ্ড সংঘটিত হ'ল বুলি ক্ষোভ উজাৰিছে দুই ভগ্নীয়ে । আনন্দ শৰ্মাই উচিত ন্যায় নোপোৱা পৰ্যন্ত তেওঁলোকে যুঁজি যাব বুলি আজি সংবাদ মাধ্যমত কয় ।
ডিব্ৰুগড় বিশ্ববিদ্যালয়ৰ পদ্মনাথ গোহাঞি বৰুৱা ছাত্ৰাবাসৰ হোৱাটচএপ গ্ৰুপৰ মেচেজৰ পৰা এটা কথাই স্পষ্ট হৈছে একাংশ জ্যেষ্ঠ ছাত্ৰই কনিষ্ঠ ছাত্ৰৰ ওপৰত চলাই আহিছিল বিভিন্ন ধৰণে নিৰ্যাতন । আৰক্ষীৰ তদন্ত সঠিকভাৱে আগবাঢ়িলে এই সমগ্ৰ ঘটনাৰ প্ৰকৃত দোষী চিনাক্ত হোৱাৰ পূৰ্ণ সম্ভাৱনা আছে ।
লগতে পঢ়ক: RSS chief Mohan Bhagwat to visit Assam: আহি আছে আৰএছএছ প্রধান মোহন ভাগৱত
