মৰাণ, 3 ডিচেম্বৰ : চাওলুং চ্যুকাফাৰ সমাধিক্ষেত্ৰ(Chaolung Sukapha Cemetery) সংৰক্ষণ আৰু বেদখল মুক্ত কৰাৰ দাবী জনাইছে অসম জাতীয়তাবাদী যুৱ ছাত্ৰ পৰিষদে(Asom Jatiyatabadi Yuba Chatra Parishad ) । সোণাৰিত সংগঠনটোৰ উদ্যোগত অনুষ্ঠিত কৰা কেন্দ্ৰীয় চ্যুকাফা দিৱসস্থলীৰপৰা (Asom divas celebrated in Sonari) এই দাবী জনালে অসম জাতীয়তাবাদী যুৱ ছাত্ৰ পৰিষদৰ সাধাৰণ সম্পাদক পলাশ চাংমায়ে।
ৰাজ্যৰ সত্ৰ, মঠ-মন্দিৰসমূহ বেদখলমুক্ত কৰিবলৈ চৰকাৰে যিহেতু পদক্ষেপ লৈছে সেয়েহে ছশ বছৰীয়া আহোম ৰাজত্বৰ ঐতিহ্য বহনকাৰী চৰাইদেউ বেদখলমুক্ত কৰিবলৈ দাবী জনাইছে সংগঠনটোৱে । আনহাতে, চাওলুং চ্যুকাফাৰ মৈদাম সংৰক্ষণ আৰু বেদখলমুক্ত কৰাৰ দাবী জনালে সোণাৰি সমষ্টিৰ বিধায়ক ধৰ্মেশ্বৰ কোঁৱৰে(MLA of Sonari constituency) ।
বৃহস্পতিবাৰে চ্যুকাফা মৈদামত উপস্থিত হৈ অসমীয়া জাতিৰ পিতৃপুৰুষজনলৈ অঞ্জলি তৰ্পণ কৰি শ্ৰদ্ধা নিবেদন কৰে বিধায়কগৰাকীয়ে । আনহাতে, বৰ অসমৰ ভেঁটি গঢ়োতা চ্যুকাফাৰ মৈদামৰ অসংৰক্ষিত অৱস্থা দেখি উদ্বেগ প্ৰকাশ কৰাৰ লগতে মৈদামটো সংৰক্ষণ আৰু সৌন্দৰ্য্যবৰ্ধনৰ বাবে চৰকাৰৰ প্ৰতি আহ্বান জনায় বিধায়ক ধৰ্মেশ্বৰ কোঁৱৰে ।
লগতে পঢ়ক: Asom divas celebrated in Sivsagar : শিৱসাগৰত অসম দিৱস উপলক্ষে প্ৰশাসনৰ চাফাই অভিযান
