শিৱসাগৰ, 2 ডিচেম্বৰ : আহোম ৰজাৰ দিনৰ এক ঐতিহাসিক সম্পদ হ’ল শিৱসাগৰ পুখুৰী ৷ চাওলুং চুকাফাৰ নামত পালন কৰা অসমৰ এক গুৰুত্বপূৰ্ণ দিৱস অসম দিৱসৰ লগত সংগতি ৰাখিয়েই এই ঐতিহাসিক পুখুৰীটো জিলা প্ৰশাসনে চাফাই কৰাৰ অভিযান হাতত লয় (sanitization program organised to celebrate asom divas in sivsagar) ৷
চাওলুং চুকাফা বৰ অসমৰ খনিকৰ ৷ টাই মূলৰ আহোম কোঁৱৰ চাওলুং চুকাফাই 1228 খ্ৰীষ্টাব্দত ইণ্ডো-চীনৰ পৰা ব্ৰহ্মদেশ হৈ অসমত প্ৰৱেশ কৰিছিল ৷ তেতিয়াৰ পৰা এইজনা মহাপুৰুষৰ নেতৃত্বত গঠন হয় বৰ অসমৰ ৷ সময় সাপেক্ষে যুদ্ধ, সন্ধি, সুবিধা অনুযায়ী বিবাহৰ মাধ্যমেৰে ব্ৰহ্মপুত্ৰ উপত্যকাত বসবাস কৰা খিলঞ্জীয়া লোকসকলক একত্ৰিত কৰি চুকাফাই গঠন কৰিছিল বৰ অসমৰ ভেঁটি ৷ তেওঁ প্ৰতিষ্ঠা কৰা আহোম ৰাজ্যই সগৌৰৱে 600 বছৰ অতিক্ৰম কৰি আজিৰ অসম ভূমিত উপনীত হৈছেহি ৷
লগতে চাওক: পৰ্যটকৰ সোঁত বৈছে ঐতিহাসিক দেওশালি পাহাৰলৈ
পাটকাই পৰ্বত পাৰ হৈ ব্ৰহ্মপুত্ৰ উপত্যকাত ভৰি দিয়াৰ ক্ষণটোক সোঁৱৰণ কৰি এই অসম দিৱস উদযাপন কৰা হয় ৷ সমগ্ৰ ৰাজ্যৰ লগতে পূৰ্বৰ আহোম ৰাজধানী শিৱসাগৰ জিলাতো পালন কৰা হৈছে অসম দিৱস ৷
শিৱসাগৰ জিলা প্ৰশাসনৰ উদ্যোগত দুৰ্যোগ প্ৰশমন বিভাগ, আৰক্ষী বিভাগ আৰু পৌৰসভাই একত্ৰিত হৈ ঐতিহাসিক শিৱসাগৰ পুখুৰীৰ লগতে পুখুৰীটোৰ চৌকাষ পৰিষ্কাৰ কৰি অসম দিৱস উদযাপন কৰে (Asom divas celebrated in sivsagar) ৷ আহোম ৰাজত্ব কালৰ শৌৰ্য-বীৰ্যৰ প্ৰতীক শিৱসাগৰ পুখুৰী পৰিষ্কাৰ কৰি শিৱসাগৰ জিলা প্ৰশাসনে স্বৰ্গদেউ চাওলুং চুকাফাৰ অৱদানক সোঁৱৰে ৷
লগতে চাওক: Handique girls college Declared Micro containment Zone : সাতদিনলৈ বন্ধ সন্দিকৈ ছোৱালী মহাবিদ্যালয়
