জোনাই, 31 জুলাই : দেওবাৰে জোনাই মহকুমাৰ অন্তৰ্গত নেপালী বস্তিৰ দুৰ্গা মন্দিৰৰ সমীপত থকা এজোপা বৃহৎ আকাৰৰ আহত গছ বাগৰি পৰাৰ(Tree falls in Jonai) ফলত মন্দিৰৰ সমীপত থকা কেইবাখনো সৰু বৰ দোকান ভাঙি চুৰমাৰ হয়(Traffic was disrupted due to falling tree) ৷
আনহাতে, এই গছজোপা বাগৰি পৰাত ৫১৫নং ৰাষ্ট্ৰীয় ঘাইপথৰ কাষত থকা কেইবাটাও বিদুৎ পৰিবাহী খুটা ৰাষ্ট্ৰীয় ঘাইপথৰ ওপৰত বাগৰি পৰে ৷ যাৰ ফলত ৫১৫নং ৰাষ্ট্ৰীয় ঘাইপথৰে যাতায়ত ব্যাহত হৈ পৰে ৷ ফলত ৰাষ্ট্ৰীয় ঘাইপথৰ দুয়োফালে বহু যান-বাহন আৱদ্ধ হৈ পৰে ৷
বিগত কিছু দিনৰ ধৰি জোনাইত হৈ থকা মূষলধাৰ বৰষুণৰ ফলত এই প্ৰকাণ্ড গছজোপা বাগৰি পৰা বুলি ৰাইজে জানিবলৈ দিছে ৷ উক্ত অঞ্চলত যথেষ্ট পৰিমাণৰ ৰাইজৰ সমাগম আছিল যদিও সৌভাগ্যক্ৰমে গছজোপা বাগৰি পৰাৰ ফলত কোনো লোক আঘাতপ্ৰাপ্ত নহয় ৷ বৰ্তমানে জোনাই আৰক্ষী আৰু জোনাই বিদুৎ উপসংমণ্ডলৰ কৰ্মচাৰী উপস্থিত হৈ উক্ত পথচোৱা মুকলি কৰিবলৈ চেষ্টা অব্যাহত ৰাখিছে ৷
লগতে পঢ়ক : লাহৰীঘাটত অন কেমেৰা খহি পৰিল এটা গৃহ
