ETV Bharat / state

কলগাছিয়াত ভাৰত ত্যাগ দিৱস পালন

author img

By

Published : Aug 9, 2021, 5:37 PM IST

Youth Congress foundation day celebration
কলগাছিয়াত ভাৰত ত্যাগ দিৱস আৰু যুৱ কংগ্ৰেছৰ প্ৰতিষ্ঠা দিৱস পালন

সোমবাৰে কলগাছিয়াৰ ৰূপসী ব্লক কংগ্ৰেছৰ উদ্যোগত ভাৰত ত্যাগ দিৱস আৰু যুৱ কংগ্ৰেছৰ প্ৰতিষ্ঠা দিৱস উদযাপন । মুক্তিযোদ্ধাসকললৈ শ্ৰদ্ধাঞ্জলি জ্ঞাপন কৰে কংগ্ৰেছৰ কৰ্মকৰ্তাসকলে । লগতে ব্ৰিটিছৰ শাসনৰ পৰা দেশক মুক্ত কৰাৰ বাবে যুঁজ দিয়া সকলো মুক্তি যুঁজাৰুৰ কৰ্মৰাজিৰ বিষয়ে স্মৰণ কৰে ।

জনীয়া, ৯ আগষ্ট : সমগ্ৰ দেশতে আজি পালন কৰা হৈছে ভাৰত ত্যাগ দিৱস । সমান্তৰালকৈ কংগ্ৰেছে যুৱ কংগ্ৰেছৰ প্ৰতিষ্ঠা দিৱসো উদযাপন কৰিছে । বৰপেটাৰ কলগাছিয়াতো ৰূপসী ব্লক কংগ্ৰেছৰ উদ্যোগত ভাৰত ত্যাগ দিৱস পালন কৰা হয় । যুৱ কংগ্ৰেছৰ প্ৰতিষ্ঠা দিৱস উপলক্ষে কলগাছিয়াৰ ৰাজীৱ ভৱনত পতাকা উত্তোলন কৰি অনুষ্ঠানৰ আৰম্ভণি কৰা হয় । অসম প্ৰদেশ কংগ্ৰেছ কমিটিৰ আহবান মৰ্মে বৰপেটা জিলাৰ ৰূপসী ব্লক কংগ্ৰেছৰ উদ্যোগত এই অনুষ্ঠানৰ আয়োজন কৰা হয় ।

ভাৰতৰ স্বাধীনতাৰ হকে যুঁজি প্ৰাণ আহুতি দিয়া বীৰ শ্বহীদসকলক শ্ৰদ্ধাঞ্জলি জ্ঞাপন কৰা হয় । আজিৰ প্ৰেক্ষাপটত ভাৰত ত্যাগ আন্দোলনৰ প্ৰাসংগিকতা সন্দৰ্ভত বক্তব্য আগবঢ়াই ৰূপসী ব্লক কংগ্ৰেছৰ সভাপতি ড৹ ছেৰমান আলি আহমেদে জনগণক নিজৰ অধিকাৰৰ প্ৰতি সচেতন হ'বলৈ আহবান জনায় । ৰাজ্যৰ আন আন জিলাতো আজি ভাৰত ত্যাগ দিৱস পালন কৰা হৈছে । ১৮৫৭ৰ পৰা ১৯৪৭ চনলৈকে দেশৰ স্বাধীনতাৰ হকে বহু আন্দোলন হৈছে যদিও ভাৰত ত্যাগ আন্দোলন আছিল অন্যতম ।

কেৱল ভাৰতৰ বাবেই নহয়, আফ্ৰিকা আৰু এছিয়াৰ ঔপনিৱেশিক শাসন চলি থকা দেশবোৰৰ স্বাধীনতাৰ ক্ষেত্ৰতো এই আন্দোলনে প্ৰেৰণা যোগাইছিল ।

ব্ৰিটিছ শাসনৰ বিৰুদ্ধে মহাত্মা গান্ধীয়ে আৰম্ভ কৰা ভাৰত ত্যাগ আন্দোলনত স্ব-ইচ্ছাৰে দেশৰ জনগণে অংশ লৈছিল আৰু দেশক স্বাধীন কৰাৰ সংকল্প লৈছিল । এই প্ৰচেষ্টাৰ ফল ভাৰতে ১৯৪৭ত পাইছিল, যেতিয়া ভাৰত স্বাধীন হৈছিল । ইংৰাজৰ অধীনৰ পৰা মুকলি হৈছিল ভাৰতবাসী । সেয়ে, দেশবাসীয়ে সেই সময় তথা এই যুঁজক সফল কৰি তোলা স্বাধীনতা সংগ্ৰামীৰ কষ্ট, ত্যাগক কেতিয়াও পাহৰিব নোৱাৰে ।

লগতে পঢ়ক: বিছাই নিদ্ৰাহৰণ কৰিছে মৰিগাঁৱবাসীৰ...

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.