তামুলপুৰ,১৩ ছেপ্টেম্বৰ: ৰাজ্যত অব্যাহত আছে তীৰ, সুৰা, জুৱা বিৰোধী অভিযান (Anti liquor and Gambling operation) ৷ সোমবাৰে তামোলপুৰ জিলাৰ গোৰেশ্বৰত সুৰা আৰু তীৰ খেলত জড়িত পাঁচজন লোকক গ্ৰেপ্তাৰ কৰে (Gambling agent in Goreswar)৷ গোৰেশ্বৰ থানাৰ ভাৰপ্ৰাপ্ত আৰক্ষী বিষয়াৰ নেতৃত্বত এটা আৰক্ষীৰ দলে অভিযান চলাই গ্ৰেপ্তাৰ কৰে ।
তীৰ, মদ, জুৱাৰ বিৰুদ্ধে গোৰেশ্বৰ আৰক্ষীয়ে চলালে বৃহৎ অভিযান । এই অভিযানত গ্ৰেপ্তাৰ দুজন জুৱাৰী, দুজন তীৰৰ এজেণ্ট আৰু এজন অবৈধ সুৰা ব্যৱসায়ী (Gambling agent arrest in Goreswar)। আৰক্ষীয়ে অৰুণাচলী সুৰাও জব্দ কৰে (Arunachali liquor seized in Goreswar)। আৰক্ষীয়ে একেদিনাই উৎখাত কৰিলে গোৰেশ্বৰৰ কেইবাটাও তীৰ,জুৱা,মদৰ ঘাটি ।
আৰক্ষীয়ে সদৰী কৰা মতে, ধৃত তীৰৰ এজেণ্ট দুজন হৈছে গোৰেশ্বৰৰ ধীৰেণ মাঝি আৰু শ্যামন্ত দাস ওৰফে বাপন দাস । আনহাতে,অবৈধ সুৰা ব্যৱসায়ীজন হৈছে দিগন্ত শৰণীয়া ।
ইপিনে,আৰক্ষীৰ জালত পৰা জুৱাৰী দুজন হৈছে কমলেশ্বৰ বড়ো আৰু মহাদেৱ বড়ো । তামুলপুৰ জিলাৰ গোৰেশ্বৰত দীৰ্ঘদিন ধৰি অবৈধভাৱে চলি থকা তীৰ, মদ আৰু জুৱাৰ বিৰুদ্ধে এইবাৰ সৰৱ হৈছে গোৰেশ্বৰ আৰক্ষী । আগন্তুক দিনক এই অভিযান অব্যাহত ৰাখিব বুলি জানিবলৈ দিছে গোৰেশ্বৰ থানাৰ ভাৰপ্ৰাপ্ত বিষয়া মৃদুল হাজৰিকাই ।
লগতে পঢ়ক:প্ৰসংগ ফেচবুক প’ষ্ট: জয়া কলিতাৰ বিৰুদ্ধে গোচৰ ৰুজু ভবেশ কলিতাৰ
