ইণ্টাৰনেচনেল ডেস্ক, ২৪ আগষ্ট : চলিত বছৰৰ আৰম্ভণিতে ৰাছিয়াৰ সামৰিক বাহিনীৰ বিৰুদ্ধে সশস্ত্ৰ বিদ্ৰোহৰ নেতৃত্ব দিয়া ৱাগনাৰ মাৰ্চিনেৰী নেতা য়েভগেনি প্ৰিগোজিনৰ বিমান দুৰ্ঘটনাত মৃত্যুৰ আশংকা কৰা হৈছে । উল্লেখ্য যে, বুধবাৰে মস্কোৰ উত্তৰে হোৱা এক বিমান দুৰ্ঘটনাত বিমানখনত থকা ১০ জন যাত্ৰীৰ আটাইকেইজনৰে মৃত্যুৰ আশংকা কৰা হৈছে ।
এয়াৰলাইনছৰ উদ্ধৃতি দি ৰাছিয়াৰ অসামৰিক বিমান সংস্থাই জনোৱা মতে, প্ৰিগোজিন দুৰ্ঘটনাগ্ৰস্ত বিমানখনত আছিল । এই দুৰ্ঘটনাটোৱে তৎক্ষণিকভাৱে সন্দেহৰ সৃষ্টি কৰিছে । কিয়নো তেওঁ বিদ্ৰোহ আৰম্ভ কৰাৰ পিছৰে পৰা ৱাগনাৰ ব্যক্তিগত সামৰিক প্ৰতিষ্ঠানটোৰ প্ৰতিষ্ঠাপকজনৰ ভাগ্য সন্দৰ্ভত তীব্ৰ জল্পনা-কল্পনা চলি আহিছে ।
সেই সময়ত ৰাষ্ট্ৰপতি ভ্লাদিমিৰ পুটিনে এই বিদ্ৰোহক 'দেশদ্ৰোহী' আৰু 'পিঠিত ছুৰীকাঘাত' বুলি গৰিহণা দিছিল । লগতে ইয়াৰ প্ৰতিশোধ লোৱাৰো প্ৰতিশ্ৰুতি দিছিল । কিন্তু প্ৰিগোজিনৰ বিৰুদ্ধে থকা আৰোপবোৰ সোনকালেই প্ৰত্যাহাৰ কৰা হৈছিল । ইউক্ৰেইনত ৰাছিয়াৰ হৈ কিছু শ্ৰেষ্ঠ যুঁজাৰু বাহিনী থকা ৱাগনাৰৰ মুৰব্বীজনক পিছত বেলাৰুছলৈ ঘূৰি যাবলৈ অনুমতি দিয়া হৈছিল ।
-
Who is #Prigozhin? Mercenary #Wagnergroup chief urging uprise against #Russia's generals https://t.co/sBGzSBbi5C
— ETV Bharat (@ETVBharatEng) June 24, 2023 " class="align-text-top noRightClick twitterSection" data="
">Who is #Prigozhin? Mercenary #Wagnergroup chief urging uprise against #Russia's generals https://t.co/sBGzSBbi5C
— ETV Bharat (@ETVBharatEng) June 24, 2023Who is #Prigozhin? Mercenary #Wagnergroup chief urging uprise against #Russia's generals https://t.co/sBGzSBbi5C
— ETV Bharat (@ETVBharatEng) June 24, 2023
ৰাছিয়াৰ সংবাদ মাধ্যমৰ বাতৰি অনুসৰি, প্ৰিগোজিনৰ সৈতে সম্পৰ্ক থকা এজন শীৰ্ষ সেনাপতিক বায়ু সেনাৰ কমাণ্ডাৰ পদৰ পৰা বৰ্খাস্ত কৰা বুলি প্ৰকাশ কৰাৰ পিছতে এই দুৰ্ঘটনাটো সংঘটিত হয় ।
ৰাছিয়াৰ চৰকাৰী সংবাদ সংস্থা টাছে উদ্ধৃতি দিয়া বিষয়াসকলৰ মতে, মস্কোৰ পৰা ছেণ্ট পিটাৰ্ছবাৰ্গলৈ যোৱা তিনিজন ক্ৰু মেম্বাৰ আৰু সাতজন যাত্ৰী কঢ়িয়াই নিয়া এখন বিমান ৰাজধানীৰ পৰা প্ৰায় ৩০০ কিলোমিটাৰ (১৮৫ মাইল) উত্তৰে ভূপতিত হয় ।
ৰাছিয়াৰ অসামৰিক বিমান সংস্থা ৰোজাভিয়েটছিয়াই লগে লগে জনাইছিল যে তেওঁ থকাটো সন্দেহ কৰা হৈছে আৰু পিছত কয় যে এয়াৰলাইনছৰ মতে তেওঁ সঁচাকৈয়ে বিমানখনত আছিল ।
ইয়াৰ পূৰ্বে ইউক্ৰেইনৰ আংশিকভাৱে অধিকৃত জাপোৰিজজিয়া অঞ্চলত ৰাছিয়াৰ দ্বাৰা নিযুক্ত বিষয়া ভ্লাদিমিৰ ৰোগভে কৈছিল যে তেওঁ ৱাগনাৰ কমাণ্ডাৰসকলৰ সৈতে কথা পাতিছে । তেওঁলোকে নিশ্চিত কৰিছে যে প্ৰিগোজিন বিমানখনত আছিল।
আনহাতে, এই সন্দৰ্ভত প্ৰতিক্ৰিয়া ব্যক্ত কৰি আমেৰিকা যুক্তৰাষ্ট্ৰৰ ৰাষ্ট্ৰপতি জো বাইডেনে কয়, "কি ঘটিছে সেই বিষয়ে মই নাজানো, কিন্তু মই এই ঘটনাত আচৰিত নহয় ।"
