বৰ্তমান সময়ত, আমি আমাৰ স্বাস্থ্যৰ যত্ন লোৱাটো অতি গুৰুত্বপূৰ্ণ হৈ পৰিছে ৷ বহুতো সময়ত কিছু লোকে কামৰ হেঁচা অথবা অন্যান্য ভিন্ন সমস্যাক দোহাই দি নিচাযুক্ত সামগ্ৰীও সেৱন কৰা দেখা যায় ৷ কিন্তু এই নিচাযুক্ত সামগ্ৰীয়ে আমাৰ শৰীৰত কেনেদৰে প্ৰভাৱ পেলাই জানেনে ?
কিছু এনে লোকো আছে যিয়ে কামৰ চাপ দূৰ কৰিবলৈ পেকেটে পেকেটে চিগাৰেট সেৱন কৰে ৷ এই চিৰাগেটে আমাৰ শৰীৰৰ বাবে কিমান ক্ষতিকাৰক আপুনি জানেনে ? হায়দৰাবাদৰ এপ’ল’ চিকিৎসালয়ৰ স্নায়ু বিশেষজ্ঞ ডাঃ সুধীৰ কুমাৰে সামাজিক মাধ্যমযোগে এক পোষ্ট শ্বেয়াৰ কৰে ৷
- শৰীৰক স্বাভাৱিকভাৱে কাম কৰিবলৈ অতিৰিক্ত চেনীৰ প্ৰয়োজন নেকি ?
নহয়, প্ৰাকৃতিক খাদ্যত কাৰ্ব’হাইড্ৰেট থাকে, যাক গ্লুক’জ গঠন কৰিবলৈ বিপাক কৰা হয় ৷ যাক শক্তি আৰু স্বাস্থ্যকৰ কাৰ্যকলাপৰ বাবে ব্যৱহাৰ কৰিব পৰা যায় ৷
- চেনী-মিঠা পানীয় গ্ৰহণ কৰিলে স্বাস্থ্যৰ ওপৰত বেয়া প্ৰভাৱ পেলাই নেকি ?
হয়, চেনী মিঠা পানীয়ই ওজন বৃদ্ধি, 2 প্ৰকাৰৰ ডায়বেটিছ, চৰ্বিযুক্ত যকৃতৰ ৰোগ আৰু হৃদৰোগৰ আশংকা বৃদ্ধি কৰে ৷
- প্ৰতিদিনে কিমান সুৰা পান কৰিব পাৰি?
সুৰা যিকোনো পৰিমাণৰে সুৰক্ষিত নহয়, কিয়নো যিকোনো পৰিমাণৰে সুৰাপান কৰিলে স্বাস্থ্যৰ বাবে হানিকাৰক ৷ যদি কোনো লোকে মধ্য়মীয়া পৰিমাণে সুৰা সেৱন কৰে, তেওঁলোকৰ বিপদাশংকা কম হয় ৷ সুৰাপানৰ পৰিমাণ বৃদ্ধি হ’লে বিপদাশংকা বৃদ্ধি হয় ৷
- দিনত কিমানটা চিগাৰেট সেৱন কৰাটো সুৰক্ষিত?
ধূমপানৰ কোনো সুৰক্ষিত স্তৰ নাই ৷ আনকি দিনত এটা চিগাৰেট সেৱনে অকাল মৃত্যু আৰু ধূমপান সম্পৰ্কীয় কৰ্কট ৰোগৰ আশংকা বৃদ্ধি কৰিব পাৰে ৷
- স্বাস্থ্যৰ বাবে সম্পূৰ্ণ ফল বা ফলৰ ৰস কি আটাইতকৈ ভাল ?
ফলৰ ৰস 100 শতাংশই এক স্বাস্থ্যকৰ বিকল্প হ'ব পাৰে ৷ কিন্তু এটা সম্পূৰ্ণ অতিকৈ স্বাস্থ্যকৰ ৷ প্ৰতিদিনে মাত্ৰ এগিলাচ ফলৰ ৰস খালে তিনি বছৰত প্ৰায় আধা পাউণ্ড ওজন বৃদ্ধি হয় ৷ একে সময়তে, প্ৰতিদিনে এবাৰকৈ সম্পূৰ্ণ ফল সেৱন কৰিলে তিনি বছৰত প্ৰায় এক পাউণ্ড ওজন হ্ৰাস হয় ৷
লগতে পঢ়ক: আমি কোন সময়ত চেনি খালে দেহৰ ক্ষতি নহয় ? জানি লওক বিশেষজ্ঞৰ পৰা - Right Time to Eat Sugar
