শিলচৰ, 19 মাৰ্চ: মঙলবাৰে মণিপুৰৰ উখৰুলত কংগ্ৰেছ দলৰ এখন ৰাজহুৱা সভাৰ সময়তে সংঘটিত হ’ল অঘটন ৷ সভা চলি থকাৰ সময়তে কেবাজনো অচিনাক্ত বন্দুকধাৰীয়ে ধাৰাসাৰ গুলীচালনা কৰে ।
- " class="align-text-top noRightClick twitterSection" data="">
গুলীচালনাৰ ঘটনা সংঘটিত হোৱাত প্ৰাৰ্থী আলফ্ৰেড কাংনাম আৰ্থা কোনোমতে পলাই যাবলৈ সক্ষম হয় । মণিপুৰ প্ৰদেশ কংগ্ৰেছ কমিটীৰ সভাপতি কে মেঘাচন্দ্ৰই কয় যে ঘটনাটো দুপৰীয়া প্ৰায় ২ বজাত সংঘটিত হয় ৷
ঘটনাটোক কঠোৰ ভাষাত গৰিহণা দি কে মেঘাচন্দ্ৰই কয় যে যদি এনে ঘটনা অব্যাহত থাকে তেন্তে ৰাজ্যখনত কেনেকৈ নিৰ্বাচন অনুষ্ঠিত কৰাটো সম্ভৱ নহ’ব ৷ ঘটনাৰ বাবে বিজেপি নেতৃত্বাধীন ৰাজ্য চৰকাৰক দায়ী কৰি তেওঁ কয় যে পৰ্যাপ্ত নিৰাপত্তা প্ৰদান কৰা আৰু সকলোৰে বাবে সুৰক্ষিত পৰিৱেশ সৃষ্টি কৰাটো চৰকাৰৰ কাম । ৰাজ্যখনত শান্তি আৰু স্বাভাৱিক অৱস্থা ঘূৰাই অনাৰ দাবী কৰে কংগ্ৰেছ নেতাগৰাকীয়ে ৷
লগতে পঢ়ক: শিবিৰৰ পৰাই ভোট দিব পাৰিব স্থানচ্যুত মণিপুৰৰ বাসিন্দাই
