ఐపీఎల్ టైటిల్ స్పాన్సర్షిప్ బిడ్డింగ్ రేసులో యోగా గురు రామ్దేవ్ బాబాకు చెందిన పతంజలి పాల్గొననున్నట్లు సమాచారం. ఇటీవలే చైనా స్మార్ట్ఫోన్ తయారీ సంస్థ వివో ఈ ఒప్పందం నుంచి తప్పుకున్న నేపథ్యంలో.. స్పాన్సర్షిప్ విషయంలో ప్రాధాన్యం సంతరించుకుంది.
"పతంజలి బ్రాండ్ను అంతర్జాతీయ మార్కెట్లోకి తీసుకెళ్లాలనే ఉద్దేశంతో ఈ ఏడాది ఐపీఎల్ టైటిల్ స్పాన్సర్షిప్ను పరిశీలిస్తున్నాం" అని సంస్థ ప్రతినిధి ఎస్కే టిజారావాలా ఇటీవలే ఓ మీడియా సమావేశంలో స్పష్టం చేశారు. త్వరలోనే ఈ ప్రతిపాదనను బీసీసీఐ ముందుకు తీసుకెళ్లనున్నట్లు తెలిపారు.