గతంలో తాను క్యాన్సర్ బారినపడినట్లు వచ్చిన వార్తలపై అగ్రకథానాయకుడు మెగాస్టార్ చిరంజీవి స్పందించారు. తనకు ఎటువంటి ప్రాబ్లమ్ లేదని ట్విట్టర్ వేదికగా క్లారిటీ ఇచ్చారు.
"కొద్దిసేపటి క్రితం నేనొక క్యాన్సర్ సెంటర్ను ప్రారంభించిన సందర్భంగా క్యాన్సర్ పట్ల అవగాహన పెరగాల్సిన అవసరం గురించి మాట్లాడాను. రెగ్యులర్గా మెడికల్ టెస్టులు చేయించుకుంటే క్యాన్సర్ రాకుండా నివారించవచ్చు అని చెప్పాను. నేను అలర్ట్గా ఉండి కొలోన్ స్కోప్ టెస్ట్ చేయించుకున్నానని చెప్పాను. అందులో non - cancerous polypsను డిటెక్ట్ చేసి తీసేశారు అని తెలిపాను. అలా ముందుగా టెస్ట్ చేయించుకోకపోయి ఉంటే అది క్యాన్సర్ కింద మారేదేమోనని మాత్రమే అన్నాను. అందుకే అందరూ ముందు జాగ్రత్తలు తీసుకుని మెడికల్ టెస్టులు/స్క్రీనింగ్ చేయించుకోవాలని మాత్రమే చెప్పాను. అయితే నేను క్యాన్సర్ బారినపడ్డట్లు వార్తలు వచ్చాయి. దీని వల్ల అనవసరమైన కన్ఫ్యూషన్ ఏర్పడింది. అనేకమంది వెల్ విషర్స్ నా ఆరోగ్యం గురించి మెసేజ్లు పంపిస్తున్నారు. వారందరి కోసం ఈ క్లారిఫికేషన్" అంటూ చిరు చెప్పుకొచ్చారు.
Chiranjeevi About Cancer : హైదరాబాద్లోని నానక్‌రామ్‌గూడలోని స్టార్ ఆస్పత్రిలో ఏర్పాటు చేసిన క్యాన్సర్ విభాగాన్ని ప్రారంభించిన ఆయన పలు వ్యాఖ్యలు చేశారు. తన అభిమానులతో పాటు సినీ కార్మికులకు క్యాన్సర్పై అహగాహన కల్పించేందుకు క్యాన్సర్ స్క్రీనింగ్ టెస్టులు చేయిస్తానని చెప్పారు. "అభిమానులు, సినీ కార్మికులకు క్యాన్సర్ స్క్రీనింగ్ టెస్టులు చేయిస్తాను. అభిమానుల కోసం ఎన్ని కోట్లైనా ఖర్చుచేస్తా. హైదరాబాద్తో పాటు వివిధ జిల్లాల్లోనూ ఈ స్క్రీనింగ్ టెస్టులు జరిగేలా చూసుకుంటాను. ఈ టెస్ట్ల కోసం స్టార్ హాస్పిటల్‌తో మాట్లాడాను. జీనోమిక్స్ టెస్టుతో ముందస్తుగానే క్యాన్సర్ గుర్తించవచ్చు. క్యాన్సర్పై ప్రజల్లో అవగాహన పెంచేందుకు కృషి చేస్తా. త్వరలోనే హైదరాబాద్ క్యాన్సర్ నియంత్రణకు హబ్ కావాలని నేను ఆకాంక్షిస్తున్నాను" అని ఆయన అన్నారు.