God Father Movie : మెగాఫ్యాన్స్కు మరో సర్ప్రైజ్ ఇచ్చింది 'గాడ్‌ ఫాదర్‌' మూవీటీమ్. చిరంజీవి హీరోగా నటించిన పొలిటికల్‌ యాక్షన్‌ థ్రిల్లర్‌ చిత్రం ఇది. మోహన్‌రాజా దర్శకత్వం వహించిన ఈ సినిమా దసరా సందర్భంగా అక్టోబరు 5న విడుదలకానుంది. ఈ నేపథ్యంలో చిత్ర బృందం తాజాగా టైటిల్ గీతాన్ని అభిమానులతో పంచుకుంది. కథానాయకుడి పాత్రకు అద్దం పట్టే ఈ పాటను రామజోగయ్యశాస్త్రి రాశారు. తమన్‌ పవర్‌ఫుల్‌ సంగీతం అందించారు.
సల్మాన్‌ఖాన్‌, నయనతార, సత్యదేవ్‌, పూరీ జగన్నాథ్‌ కీలక పాత్రలు పోషించారు. ఈ 'గాడ్‌ ఫాదర్‌' మలయాళ సినిమా 'లూసీఫర్‌'కు రీమేక్‌గా తెరకెక్కిన సంగతి తెలిసిందే. రామ్‌చరణ్‌, ఆర్‌.బి. చౌదరి, ఎన్‌.వి. ప్రసాద్‌ సంయుక్తంగా నిర్మించిన ఈ సినిమా తెలుగు, హిందీ భాషల్లో విడుదలకానుంది.