A Youth Committed Suicide in Nalgonda District: బస్వాపూర్ రిజర్వాయర్ భూ నిర్వాసితుడికి నష్టపరిహారం రాకపోవటంతో బాలస్వామి అనే యువకుడు ఉరివేసుకొని ఆత్మహత్య చేసుకున్నాడు. బాలస్వామి కుటుంబానికి న్యాయం చేయాలని భువనగిరి ఏరియా హాస్పిటల్ ముందు రోడ్డుపై కుటుంబ సభ్యులు, గ్రామస్థులు ధర్నాకు దిగారు. యాదాద్రి భువనగిరి జిల్లా బీజేపీ జిల్లా అధ్యక్షుడు శ్యాం సుందర్రావు వారికి మద్దతుగా ధర్నాలో పాల్గొన్నారు.
ప్రధాన రహదారిపై బైఠాయించి ధర్నాకి దిగటంతో ఇరువైపులా వాహనాలు కొద్దిసేపు నిలిచిపోయాయి. బాధితుల, ధర్నా చేస్తున్న వారితో భువనగిరి ఆర్డీవో భూపాల్ రెడ్డి మాట్లాడారు. స్థానిక పోలీసులు వారికి నచ్చచెప్పే ప్రయత్నం చేశారు. భువనగిరి మండలం బీఎన్. తిమ్మాపురం బస్వాపూర్ ప్రాజెక్టులో ముంపునకు గురవుతోంది. గ్రామంలోని 18 ఏళ్లు నిండిన యువతి యువకులకు నష్టపరిహారంగా రూ. 7 లక్షల 61 వేలు అందిస్తామని ప్రభుత్వం పేర్కొంది.