కూతురి పుట్టినరోజుకు కానుకగా జాబిల్లిపై స్థలం

కొడుకు లేదా కూతురు పుట్టినరోజున వినూత్న బహుమతులిచ్చి వారిని సంతోష పెడుతుంటారు చాలామంది తల్లిదండ్రులు. అదే కోవకు చెందిన ఓ వ్యక్తి ఎకరం స్థలం కొనేసి, కూతురికి ఇచ్చాడు. అదీ ఏకంగా చంద్రునిపై.! వినడానికి ఆశ్చర్యంగా ఉన్నా ఇది నిజం. ఇంతకీ ఎవరా వ్యక్తి? తెలుసుకోవాలంటే ఈ కథనం చదవాల్సిందే..

భూమిపై స్థలాలు కొనడం మానేసి.. ఏకంగా చంద్రుడిపైనే తిష్ట వేసేందుకు చూస్తోంది నేటి తరం. అదే ఆలోచన వచ్చిన ఒడిశాకు చెందిన అభయ్​ సేనాపతి.. తన కూతురి జన్మదినం సందర్భంగా చంద్రునిపై ఎకరం స్థలం కొని, కానుకగా ఇచ్చాడు.

అభయ్​ కుటుంబం

కేంద్రపాడా జిల్లాలోని పట్టముండాయి ప్రాంతానికి చెందిన అభయ్​.. జనవరి 15న తన కుమార్తె పుట్టిన రోజున వినూత్న బహుమతి ఇవ్వాలనుకున్నాడు. రూ.10వేలు చెల్లించి.. చంద్రునిపై ఎకరం స్థలం కొనుగోలు చేశాడు.

చంద్రునిపై పై స్థల రిజిస్ట్రేషన్​ డాక్యుమెంట్

అభయ్​.. అమెరికాకు చెందిన ఓ కంపెనీలో పనిచేస్తూ.. బెంగళూరులో నివాసముంటున్నాడు. యూఎస్​లోని తన బంధువు సాయంతో.. చంద్రునిపై స్థలం కొనుగోలు చేసేందుకు ప్రణాళిక వేశాడు. జనవరిలోనే స్థలాన్ని బుక్​ చేసుకుని, ఫిబ్రవరిలో దాన్ని సొంతం చేసుకున్నాడు.

ఇదీ చదవండి:పెళ్లిరోజు కానుకగా చంద్రునిపై మూడెకరాలు!