कोलंबो - टी-20 आंतरराष्ट्रीय क्रिकेटमध्ये सर्वाधिक गडी घेणारा श्रीलंकेचा स्टार गोलंदाज लसिथ मलिंगाने आज क्रिकेटच्या सर्व प्रकारातून निवृत्ती घोषणा केली. मलिंगाने याआधीच कसोटी आणि एकदिवसीय क्रिकेटमधून निवृत्ती जाहीर केलेली होती. त्याने आता टी-20 मधून निवृत्तीची घोषणा सोशल मीडियाच्या माध्यमातून केली.
मलिंगाने त्याच्या यूट्यूब चॅनलवर एक व्हिडिओ पोस्ट केला आहे. या व्हिडिओत त्याने टी-20 आंतरराष्ट्रीय क्रिकेटमध्ये घेतलेले विकेट पाहायला मिळत आहेत. या व्हिडिओला त्याला कॅप्शन दिले आहे की, खेळाप्रती माझे प्रेम कधी कमी होणार नाही.
मागील 17 वर्षात मी जो अनुभव मिळवला. आता मैदानात त्याची गरज नाही. कारण मी क्रिकेटच्या सर्व प्रकारातून निवृत्तीचा निर्णय घेतला आहे. पण मी युवा खेळाडूंना समर्थन आणि मार्गदर्शन करत राहिन, असे देखील लसिथ मलिंगाने म्हटलं आहे.