তেজপুৰ, ৩১ আগষ্ট : মঙলবাৰে সাংসদ উন্নয়ন পুঁজিৰ অধীনত তেজপুৰ চিকিৎসা মহাবিদ্যালয়ৰ হাস্পতালত চিকিৎসা সামগ্ৰী প্ৰদান কৰে ৰাজ্য সভাৰ সাংসদ ৰিপুন বৰাই ৷ তেজপুৰ চিকিৎসা মহাবিদ্যালয়ৰ অধ্যক্ষৰ হাতত চিকিৎসা সামগ্ৰী প্ৰদান ৰাজ্যসভাৰ সংসদ গৰাকীয়ে ৷
সাংসদ গৰাকীয়ে সংবাদিকৰ আগত সদৰি কৰা মতে, সাংসদ পুঁজিৰ মুঠ ২ কোটি ৪০ লাখ টকাৰ ব্যয়ৰে ৰোগীৰ চিকিৎসা সেৱাৰ সুবিধাৰ্থে সামগ্ৰীখিনি প্ৰদান কৰা হয় ৷ সামগ্ৰীখিনি ভিতৰত আছে, ৩০ খন উন্নত মানৰ বিচনা, 25 টা অক্সিজেন কনচেণ্ট্ৰেটৰ(Oxygen Concentrator), ১০ খন উন্নত মানদণ্ডৰ হুইল চেয়াৰ, ভেন্টিলেটৰ ৬ টা আৰু অক্সিজেন সংযুক্ত ৰোগী কঢ়িয়াই নিয়া ষ্ট্ৰেটচাৰ ৷