ৰঙিয়া, 8 ডিচেম্বৰ :ৰাজ্যজুৰি পুনৰ আন্দোলনৰ কাৰ্যসূচী ঘোষণা কৰিছে সদৌ অসম মধ্যাহ্ন ভোজন কৰ্মচাৰী ইউনিয়নে(Mid Day Meal Workers Union Press Meet) । এই সন্দৰ্ভত মঙলবাৰে ৰঙিয়াত ইউনিয়নে সম্বোধন কৰে এক সংবাদমেল ৷
সংবাদমেলত সংগঠনটোৰ নেতৃবৃন্দই সদৰী কৰা অনুসৰি, বছৰ বছৰ ধৰি ৰাজ্যৰ প্ৰাথমিক বিদ্যালয়সমূহত অতি নিম্ন পাৰিশ্ৰমিকত কৰ্ম সম্পাদন কৰি আহিছে মধ্যাহ্ন ভোজনৰ ৰান্ধনীসকলে । আনকি মাননিৰ ধন বৃদ্ধিৰ বাবে বিভিন্ন সময়ত আন্দোলনৰ কাৰ্যসূচী ল'বলৈ বাধ্য হোৱা ৰন্ধন কৰ্মীসকলৰ পাৰিশ্ৰমিকৰ ধন বৃদ্ধি কৰাৰ বিপৰীতে চৰকাৰে সমগ্র আঁচনিখন অক্ষয়পাত্ৰ ফাউণ্ডেচনৰ দৰে বে-চৰকাৰী সংস্থাক গতাই দিয়াৰ ষড়যন্ত্ৰত লিপ্ত হোৱাৰ অভিযোগ উত্থাপন কৰে ।