নিউজ ডেস্ক, ২০ মে': বিগত কংগ্ৰেছ চৰকাৰৰ আমোলত দিছপুৰৰ ৰথী-মহাৰথীৰ আশীৰ্বাদ আৰু পৃষ্ঠপোষকতাত একাংশ ঠিকাদাৰ-আমোলাই সমাজ কল্যাণ বিভাগত সংঘটিত কৰা ৬০০ কোটি টকীয়া কেলেংকাৰীয়ে লৈছে নতুন মোৰ । আমগুৰি নৱ-নিৰ্মাণ সমিতি নামৰ এটা অনুষ্ঠানে এই বিয়াগোম কেলেংকাৰীৰ তদন্ত বিচাৰি গুৱাহাটী উচ্চ ন্যায়ালয়ত এক ৰাজহুৱা স্বাৰ্থজড়িত আবেদন (PIL on social welfare scam) দাখিল কৰিছিল ।
সেই আবেদনৰ দীঘলীয়া শুনানি গ্ৰহণৰ অন্তত বৃহস্পতিবাৰে গুৱাহাটী উচ্চ ন্যায়ালয়ে সমাজ কল্যাণ বিভাগত সংঘটিত হোৱা এই ছশ কোটিটকীয়া কেলেংকাৰীৰ তদন্ত কৰিবলৈ অসম বিধানসভাৰ ৰাজহুৱা হিচাপ কমিটিক নিৰ্দেশ দিয়ে ।
উল্লেখযোগ্য যে সেই সময়ৰ সমাজ কল্যাণ মন্ত্ৰীৰ প্ৰত্যক্ষ পৃষ্ঠপোষকতাত ২০১১-১২ চনৰ পৰা ২০১৬-১৭ লৈকে এই কেলেংকাৰী সংঘটিত হোৱাৰ অভিযোগ উঠিছিল ।
সমাজ কল্যাণৰ ৬০০ কোটি টকীয়া কেলেংকাৰীৰ নতুন মোৰ একাংশ ঠিকাদাৰ-আমোলাই অংগনৱাড়ী কেন্দ্ৰসমূহত বজাৰ মূল্যতকৈ ভাবিব নোৱৰা ধৰণে অধিক দামত বিভিন্ন শিক্ষণ সামগ্ৰী যোগান ধৰি প্ৰায় ছশ কোটি টকা সৰকাই নিয়াৰ অভিযোগ উঠিছিল পূৰ্বৰ চৰকাৰখনৰ সময়তেই ।
সমাজ কল্যাণৰ ৬০০ কোটি টকীয়া কেলেংকাৰীৰ নতুন মোৰ এই বৃহৎ চক্ৰটোৱে মুকলি বজাৰত পোৱা ৩০ টকীয়া জ্যামিতি বক্স সমাজ কল্যাণ বিভাগক যোগান ধৰিছিল ১৫০ টকা দৰত । ঠিক তেনেদৰে তিনি টকীয়া একোডাল কাঠ পেঞ্চিল যোগান ধৰিছিল ২০ টকাকৈ । এই বিয়াগোম কেলেংকাৰীৰ বিষয়ে কেন্দ্ৰীয় মহাগাননিকৰ (CAG Report on social welfare scam in Assam) প্ৰতিবেদনতো উল্লেখ কৰা হৈছিল ।
লগতে পঢ়ক:হায়দৰাবাদৰ এগৰাকী ৰোগীৰ বৃক্কৰ পৰা ওলাল ২০৬ টা পাথৰ
