কাৰ্বি-আংলঙৰ খেৰণি আৰু গোৱালপাৰাৰ মাটিয়াত বনৰীয়া হাতীৰ তাণ্ডৱ

পশ্চিম কাৰ্বি-আংলঙৰ খেৰণিত বনৰীয়া হাতীৰ তাণ্ডৱ ৷ জনাঞ্চললৈ ওলাই অহা হাতীৰ গচকত শ শ বিঘা কৃষি ভূমি নষ্ট । আনহাতে গোৱালপাৰাত বনৰীয়া হাতীৰ আক্ৰমণত 4 গৰাকীকৈ লোক নিহত হোৱাৰ প্ৰতিবাদত মাটিয়া-দলগোমা পথ অৱৰোধ কৰে ৰাইজে ।

হোজাই,30 অক্টোবৰঃ পশ্চিম কাৰ্বি-আংলঙৰ খেৰণি বনাঞ্চলিক কাৰ্যালয়ৰ অন্তৰ্গত বৃহত্তৰ খেৰণিত বনৰীয়া হাতীৰ তাণ্ডৱ অব্যাহত ৷ মঙলবাৰে নিশা খেৰণিত অৱস্থিত গড়কাপ্তানী বিভাগৰ কাৰ্যালয় চৌহদৰ পকী দেৱাল ভাঙি লণ্ডভণ্ড কৰিলে বনৰীয়া হাতীয়ে ৷ উল্লেখ্য যে এইদৰে জনাঞ্চললৈ ওলাই অহা হাতীৰ গচকত শ শ বিঘা কৃষি ভূমি নষ্ট হৈছে ।

বনৰীয়া হাতীয়ে ভাঙিল গৰকাপ্তানী বিভাগৰ কাৰ্যালয় চৌহদৰ পকী দেৱাল

লগতে পঢ়কঃ কংগ্ৰেছ ত্যাগ এম.জি.ভি.কে ভানুৰ

ইফালে গোৱালপাৰাৰ মাটিয়াতো অব্যাহত আছে বনৰীয়া হাতীৰ সন্ত্ৰাস । মঙলবাৰে পুৱা বাকাইটাৰীৰ টিকেন চন্দ্ৰ নাথক বনৰীয়া হাতীয়ে হত্যা কৰাৰ পাছত সন্ধিয়া পশ্চিম মাটিয়াৰ মইনুল হ'কৰ পত্নী জাহানাৰা খাতুন,শান্তিনগৰৰ মিজানুৰ ইছলাম,সিধাবাৰীৰ মিনতি কলিতা আৰু হাঁহচৰাফৰীৰ হাছিনা ভানুক হত্যা কৰে। বনৰীয়া হাতীৰ আক্ৰমণত 4 গৰাকীকৈ লোক নিহত হোৱাৰ প্ৰতিবাদত মাটিয়া-দলগোমা পথ অৱৰোধ কৰে ৰাইজে।

গোৱালপাৰাত বনৰীয়া হাতীৰ আক্ৰমণত 4 গৰাকীকৈ লোক নিহত

লগতে পঢ়কঃ বন্ধন বেংকৰ ঋণ পৰিশোধৰ বাবেই থপিয়ালে পথচাৰীৰ বেগ !!