জনীয়া, ৬ ছেপ্টেম্বৰ: ড০ সৰ্বপল্লী ৰাধাকৃষ্ণণৰ জন্মজয়ন্তী উপলক্ষে দেওবাৰে দেশজুৰি শিক্ষক দিৱস পালন কৰা হয় । মানৱ সম্পদ গঢ়াৰ ক্ষেত্ৰত অৰিহণা যোগোৱা শিক্ষাগুৰুসকললৈ সন্মান জনাই অসমৰ শিক্ষানুষ্ঠানসমূহতো শিক্ষক দিৱস উদযাপন কৰা হয় । দেওবাৰে বৰপেটা জিলাৰ কলগাছিয়াৰ আজমল ছিনিয়ৰ ছেকেণ্ডেৰী স্কুল, ফখৰুদ্দিন আলী আহমেদ একাডেমী, কলগাছিয়া হাইস্কুল, ৰয়েল গ্লৱেল ইংলিছ স্কুলত শিক্ষক দিৱস উপলক্ষে বিভিন্ন কাৰ্যসূচী ৰূপায়ণ কৰা হয় ।
অসম ৰাজ্যিক গ্ৰামীণ জীৱিকা অভিযানৰ ৰূপসী ওমেন ফৰাম চি এল এফৰ উদ্যোগতো ৰাতিপুৱাৰে পৰা দিন জোৰা কাৰ্যসূচীৰে শিক্ষক দিৱস পালন কৰা হয় । ড০ ভূপেন হাজৰিকা সোৱৰণী মঞ্চত আত্মসহায়ক গোটৰ সদস্যসকলেও শিক্ষক দিৱস উপলক্ষে আলোচনা সভা অনুষ্ঠিত কৰে । এই অনুষ্ঠানটিত পাঁচ গৰাকী অৱসৰপ্ৰাপ্ত শিক্ষকক সম্বৰ্ধনা জনোৱা হয় ।