স্পৰ্টছ ডেস্ক, ১৪ অক্টোবৰ : ভাৰত আৰু পাকিস্তানৰ মাজত শনিবাৰে অনুষ্ঠিত বহু প্ৰতীক্ষিত আইচিচি বিশ্বকাপৰ মেচৰ ঠিক পূৰ্বে অৰিজিত সিঙে এক মনোমোহা অনুষ্ঠান পৰিবেশন কৰে । বিশ্বৰ সৰ্ববৃহৎ ক্ৰিকেট ষ্টেডিয়াম হিচাপে পৰিচিত আহমেদাবাদৰ বিশাল নৰেন্দ্ৰ মোদী ষ্টেডিয়ামত এই অসাধাৰণ অনুষ্ঠানটো অনুষ্ঠিত হয় ।
১৪ অক্টোবৰত অনুষ্ঠিত আইচিচি বিশ্বকাপ, ২০২৩ৰ দ্বাদশ মেচখনে বিশ্বৰ সৰ্ববৃহৎ ক্ৰিকেট ষ্টেডিয়ামত এক ঐতিহাসিক মুহূৰ্ত হিচাপে চিহ্নিত কৰে । অৰিজিত সিঙৰ প্ৰাণৱন্ত সুৰে মঞ্চ উজলাই তোলাৰ লগতে অনুষ্ঠানটোৰ মহিমা বৃদ্ধি কৰে । উল্লেখ্য যে মেচখন বিয়লি ২ বজাত আৰম্ভ হয় । ভাৰতে টছত জয়ী হৈ প্ৰথমে ফিল্ডিং কৰাৰ সিদ্ধান্ত লয় ।
আনহাতে, সংগীতকাৰ শংকৰ মহাদেৱন আৰু কণ্ঠশিল্পী সুনিধি চৌহান আৰু সুখবিন্দৰ সিঙৰ সৈতে যোগদান কৰা অৰিজিতে তেওঁলোকৰ প্ৰদৰ্শনেৰে দৰ্শকভৰ্তি ষ্টেডিয়ামখনক মন্ত্ৰমুগ্ধ কৰে । অনুষ্ঠানটো অৰিজিত, শংকৰ মহাদেৱন আৰু সুনিধিৰ এক প্ৰাণৱন্ত 'বন্দে মাতৰাম' উপস্থাপনেৰে আৰম্ভ হয় ।