নিউজ ডেস্ক, ১৯ ডিচেম্বৰ: কলকাতা নাইট ৰাইডাৰ্ছ (কেকেআৰ)ৰ সৈতে ২৪.৭৫ কোটি টকাত চুক্তিবদ্ধ হোৱাৰ পিচত ইণ্ডিয়ান প্ৰিমিয়াৰ লীগৰ ইতিহাসৰ আটাইতকৈ দামী ক্ৰিকেটাৰ হিচাপে পৰিগণিত হোৱা অষ্ট্ৰেলিয়াৰ পেচাৰ মিচেল ষ্টাৰ্কে কয় যে তেওঁ কেকেআৰৰ অংশ হ’বলৈ পাই ৰোমাঞ্চিত হৈ পৰিছে ৷
কলকাতা নাইট ৰাইডাৰ্ছে ২৪.৭৫ কোটি টকাত ক্ৰয় কৰা ষ্টাৰ্কে তেওঁৰ দলৰ অধিনায়ক পেট কামিন্সক অতিক্ৰম কৰে ৷ কানিন্সক ছানৰাইজাৰ্ছ হায়দৰাবাদে ২০.৫০ কোটি টকাত ক্ৰয় কৰিছে ৷
‘‘মই সপোনতো ভবা নাছিলো । স্পষ্টভাৱে, কেইটামান দলে নিজৰ পেচ আক্ৰমণক শক্তিশালী কৰিবলৈ বিচাৰিছিল আৰু তেওঁলোকৰ নিলামৰ তালিকাত বহুতো উজ্জ্বল তথা দক্ষ নাম আছে ৷ পেট কামিন্সো ইয়াৰ ভিতৰত এজন ।’’ মই নিশ্চিত নাছিলো যে মই ক'ত থমকি ৰ’ম ৷ কিন্তু কেকেআৰৰ অংশ হ'বলৈ পাই মই ৰোমাঞ্চিত হৈছো ৷’’ জিঅ’চিনেমাক এইদৰে কয় ষ্টাৰ্কে ।