মা পাৰ্বতী আৰু ভগৱান শিৱৰ বিবাহৰ দিনটোক মহাশিৱৰাত্ৰি হিচাপে পালন কৰা হয় ৷ মহাশিৱৰাত্ৰি প্ৰতি বছৰে ফাগুন মাহৰ কৃষ্ণপক্ষৰ চতুৰ্দশী তিথিত পৰে আৰু এই দিনটোতে মা পাৰ্বতী আৰু ভগৱান শিৱৰ বিবাহ হৈছিল ৷
মহাশিৱৰাত্ৰিৰ দিনা ব্ৰত পালন কৰা হয়
মহাশিৱৰাত্ৰিৰ দিনা বহুলোকে ব্ৰত পালন কৰে ৷ মহাশিৱৰাত্ৰিৰ দিনা ব্ৰত ৰখা সকলৰ ওপৰত ভগৱান শিৱৰ বিশেষ আশীৰ্বাদ লাভ কৰে বুলি বিশ্বাস কৰা হয় ৷ শিৱৰাত্ৰিৰ দিনা বাবা ভোলানাথ শিৱলিংগত বাস কৰে বুলি বিশ্বাস কৰা হয় ৷ এই দিনটোত ৰীতি-নীতি অনুসৰি ভগৱান শিৱক আৰাধনা কৰিলে ভক্তৰ সকলো দুখ-কষ্ট দূৰ হয় বুলি কোৱা হয় ৷ এই দিনটোত ভগৱান শিৱই নিজৰ ভক্তৰ সকলো মনোকামনা পূৰণ কৰে বুলিও এক মান্যতা আছে ৷ একে সময়তে আকাংক্ষিত জীৱনসংগীৰ ইচ্ছাও পূৰ্ণ হয় ৷ এই বছৰ মহাশিৱৰাত্ৰি কেতিয়া হয়, ইয়াৰ উপাসনা পদ্ধতি আৰু শুভ সময়ক লৈ বহুতৰে মাজত খেলিমেলিৰ সৃষ্টি হৈছে ৷ সেয়ে আজি আমি এই প্ৰতিবেদনৰ জৰিয়তে ইয়াৰ বিষয়ে জানিবলৈ চেষ্টা কৰিম ৷
মহাশিৱৰাত্ৰি ২০২৪ ৰ তাৰিখ
হিন্দু পঞ্জিকা অনুসৰি ফাগুন মাহৰ কৃষ্ণপক্ষ চতুৰ্দশী তিথি ৮ মাৰ্চ ৷ যিটো ৮ মাৰ্চৰ নিশা ৯.৫৭ বজাৰ পৰা আৰম্ভ হ’ব আৰু ৯ মাৰ্চৰ নিশা ০৬.১৭ শুভ মুহূৰ্তৰ অন্ত পৰিব ৷ অৰ্থাৎ ৮ মাৰ্চত শিৱৰাত্ৰি ৷
মহাশিৱৰাত্ৰি ব্ৰতৰ আৰম্ভণি (মহা শিৱৰাত্ৰি ব্ৰত ২০২৪)