ఆకస్మిక వర్షం.. పోటెత్తిన వరద.. కొట్టుకుపోయిన జనం.. ఏడుగురు మృతి!

Cloud Burst in Manikarn Valley: హిమాచల్‌ ప్రదేశ్‌లో మంగళవారం రాత్రి నుంచి భారీ వర్షాలు కురుస్తున్నాయి. రాష్ట్రంలోని కుల్లూ జిల్లాలో అకస్మాత్తుగా వరదలు సంభవించాయి. ఎడతెరిపిలేని వర్షంతో.. అనేక ఇళ్లు ధ్వంసమయ్యాయి. వరదల ధాటికి ఒక్క బుధవారమే ఏడుగురు చనిపోయినట్లు సమాచారం. మలానా పవర్​ ప్రాజెక్ట్​లో పనిచేసే పదులకొద్దీ ఉద్యోగులు నీటిలో చిక్కుకోగా వారిని రక్షించారు. మణికర్ణ్​ వ్యాలీ చోజ్​ గ్రామంలో పార్వతీ నది ఉప్పొంగి.. బ్రిడ్జి ధ్వంసమైంది. జనాలు వరదలో కొట్టుకుపోయారు. గల్లంతైన వారి కోసం గాలిస్తున్నారు అధికారులు. సిమ్లాలో కొండచరియలు విరిగిపడి జాతీయ రహదారులపై రాకపోకలు స్తంభించాయి. విపత్తు నిర్వహణ దళాలు రంగంలోకి దిగి సహాయ చర్యలు చేపట్టాయి.