రాజ్యాంగ నిర్మాత అంబేడ్కర్ జయంతి... ఒక పండగ రోజు అని తెదేపా అధినేత చంద్రబాబు అన్నారు. ఏపీలోని నెల్లూరు జిల్లా గూడూరు నియోజకవర్గం చిల్లకూరులో కార్యకర్తల సభలో పాల్గొన్న ఆయన.. అంబేడ్కర్ చిత్రపటానికి నివాళులు అర్పించారు. అంబేడ్కర్ స్ఫూర్తితో పేదలకు కూడు, గుడ్డ కల్పించిన మహోన్నత వ్యక్తి ఎన్టీఆర్ అని వ్యాఖ్యానించారు.
దేశంలోనే తొలిసారిగా ఎస్సీ వర్గానికి చెందిన బాలయోగిని లోక్సభ స్పీకర్గా ఎంపిక చేసిన చరిత్ర తెదేపాకు ఉందన్నారు. ఎస్సీ, ఎస్టీలకు విద్యుత్ ఛార్జీల్లో రాయితీలు ఇచ్చిందని గుర్తు చేశారు. జగన్ అధికారంలోకి వచ్చాక ఎస్సీ, ఎస్టీల హక్కులను దాడులతో కాలరాస్తున్నారని విమర్శించారు. ప్రాథమిక హక్కులను కాలరాస్తున్నారని దుయ్యబట్టారు. ప్రశ్నిస్తే కేసులు నమోదు చేసి వేధిస్తున్నారని ధ్వజమెత్తారు.
ఇదీ చూడండి: త్వరలోనే హైదరాబాద్లో 125 అడుగుల అంబేడ్కర్ విగ్రహం: కేటీఆర్‌
