దేశంలో ఎక్కడ ఏ ఎన్నికలు జరిగినా భారతీయ జనతా పార్టీ విజయదుంధుబి మోగిస్తుందని.... ఆ పార్టీ ఓబీసీ మోర్చా జాతీయ అధ్యక్షుడు లక్ష్మణ్ పేర్కొన్నారు. రాష్ట్రంలో తెరాస, మజ్లిస్ పార్టీలు మోసపూరిత రాజకీయాలు చేస్తున్నాయన్న ఆయన.... 2023లో భాజపానే ప్రభుత్వం ఏర్పాటు చేస్తుందని ధీమా వ్యక్తం చేశారు. ఎన్నికల హామీలు విస్మరించిన ముఖ్యమంత్రి కేసీఆర్కు.... గ్రేటర్‌ ఫలితాలు దిగ్భ్రాంతికి గురిచేశాయని ఎద్దేవా చేశారు.
గత ఎన్నికల హామీలను తుంగలో తొక్కి... ఓట్లు పొంది 100 మంది కార్పొరేటర్లను గెలిపిస్తే... ఏ రకంగా హైదరాబాద్ను వల్లకాడుగా మార్చిండ్రు. చిన్నపాటి వర్షం వస్తే.. వరదలు, బురదలు. పార్లమెంట్ ఎన్నికల్లో నలుగురు ఎంపీల ద్వారా మొదలైన మా జైత్రయాత్ర దుబ్బాక ద్వారా హైదరాబాద్ ద్వారా దూసుకుపోతోంది. 2023లో గాని అంతకన్న ముందుగాని ఎన్నికలు వస్తే ఎదుర్కొవడానికి భాజపా సిద్ధంగా ఉంది.
---లక్ష్మణ్, ఓబీసీ మోర్చా జాతీయ అధ్యక్షుడు
ఇదీ చూడండి: మంచానికే పరిమితమైన భర్త... అమ్మలా మారిన భార్య
