టెస్టుల్లో భీకర ఫామ్తో దూసుకుపోతున్నాడు హిట్మ్యాన్ రోహిత్శర్మ. ఓవల్ టెస్టులో ఇంగ్లాండ్పై అద్భుత శతకంతో టీమ్ఇండియా చారిత్రక విజయంలో కీలక పాత్ర పోషించాడు. అయితే ఇదొక్కటే కాదు. టెస్టుల్లో అతడు సెంచరీ (rohit test century) చేసిన ఏ ఒక్క మ్యాచ్లోనూ భారత్ ఓడిపోలేదు. ఇప్పటివరకు అతడు 8 శతకాలు బాదగా, అన్నింటా టీమ్ఇండియాదే విజయం.
రోహిత్ శర్మ సెంచరీలు
వెస్టిండీస్పై 177 - భారత్ గెలుపు
వెస్టిండీస్పై 111* - భారత్ విజయం
శ్రీలంకపై 102* - భారత్ గెలుపు
దక్షిణాఫ్రికాపై 176 - భారత్ ఘన విజయం
దక్షిణాఫ్రికాపై 127 - భారత్ విజయ ఢంకా
దక్షిణాఫ్రికాపై 212 - భారత్ విజయం
ఇంగ్లాండ్పై 161 - భారత్ జయభేరి
ఇంగ్లాండ్పై 127 - భారత్ గెలుపు
నాలుగో టెస్టులో శతకంతో సత్తా..
ఇంగ్లాండ్‌తో జరిగిన నాలుగో టెస్టులో భారత జట్టు.. 157 పరుగుల తేడాతో విజయం సాధించింది. విజయానికి ఆఖరిరోజు 291 పరుగులు చేయాల్సిన ఆతిథ్య జట్టు.. భారత బౌలర్ల ధాటికి 210 పరుగులకు ఆలౌటైంది.
తొలి ఇన్నింగ్స్‌లో భారత్ 191 పరుగులకు ఆలౌట్‌కాగా.. ఇంగ్లాండ్ తొలి ఇన్నింగ్స్‌లో 290 పరుగులు చేసింది. రోహిత్ శర్మ శతకంతో సత్తా చాటడం వల్ల రెండో ఇన్నింగ్స్‌లో 466 పరుగులు చేసిన భారత జట్టు ప్రత్యర్థికి 368 పరుగుల భారీ లక్ష్యాన్ని నిర్దేశించింది.
ఇదీ చూడండి: WTC points Table: ఇంగ్లాండ్పై విజయం.. అగ్రస్థానంలో భారత్
